Trump In Ram 7 US Luh Ding A Kham, White House A Ding Hnget

Salai V Bawi Lian

Trump le a kaih hruai pawl ih lairelnak cun leitlun ih beuhnak hawl raltlan ram 7 pawl cu an ram sungah ni 120 sung luh khamnak an suah. Khamnak daanthar an tuah mi ruangah mi 109 pawl hi tuhrih tiang ahcun an kaitang. US ramsung le leitlun hmun dangdang mipi pawl in hi thu ruangah an duhmi pholangnak hrang lamzawhnak an nei. US president Trump cun US rampiin thuukzet ih thuhla ngaihventu kan tul tiin a thusuah mi ah a ding hnget ih White House pi rorelnak khalin a din hnget pi.

US ramsung ih daan thiam upa 16 pawl in hithu hi daan hrampi kalh mi a si tiin an el. US in a ram sung ih ni 120 sung luh a sian lomi ram 7 pawl cu Iraq, Libya, Somalia, Sudan, Syria le Yemen pawl an siih an lakah beunak hawl ih vakvai Syria pawl lakluh ding cu camkhat sung a ti cem lawk.

Kham a tuar mi ram 7 pawl hi Muslim ram tumbik pawl an si ruangah sakhuanak ih namneknak a sitiin mipi pawl cun an au. Asinan Trump cu hi hi sakhuanak lam thu siloin rampi kilhimnak le zohfelnak a si tiin a let ve. Ni 90 sungah zohfel thluh an si dingih cumi hnu ihsin hi ram 7 pawl, US thawi rammi sinak nei kop pawl cu hrentang an si nawn lo ding.

Tui dinhmun ahcun khammi ram 7 um mi pawl US mi sinak an rak nei kop khal a sile Vanzam tumnak ah hrentang lawk an si ding tiin an ti. Asinan UK le Canada ram ihsi rammi sinak nei kawp pawl cu a hnong tel vello.#

– Agencies

Comments

comments

Comments

%d bloggers like this: