Trump In Mexico Thawi Ramri Cangdawl A Sak Thok Tum

US mipi sawmleemnak a tuah lai ihsi a rak kam cia mi a thukam pawl cu Trump cun lalnak a thok ihsin hmalaknak a nei thok cih.

A thutiam mi lakih mipi thinphang zet mi Mexico ram thawi an ramrit awknak ah cangdawl ka sak ding a timi khal, sak dingin a timtuah thok.

Himi a sak tumnak sanbik cu Mexico ihsin daan lo ih USA ih vailuttu pawl khamnak ding ah a si. Hi cangdawl pi hi peng thawnghnih (2000 mile – 3200 km) a si ding ih, a saknak dingah $10 billion tluk a cem ding tiah zum a si. A cemliam mi pawl hi Mexico in a tum thluh ding titla in a fial bet.

Mexico rampi hotu Enrique Pena Nieto cun hi saknak ih sumpai cemmi Mexico ram in an kuan ding a timi thu ah, an kuan lo ding thu le an lungawi lo thu simin a el cih.

Ramrinak umlo rampi cu rampi a si theilo tiin Trump cu America rampi cu a hum. Mi tamzet cu khamawknak cang dawl siloin duhdawtnak cangdawl pawl sak sawn aw tiin lamzawh in an auh.

Himi saknak dingah le kilkhawinak ding hrangah US ih vailuttu mi phun dang hnatuantu 10000 pawl sor an si ding titla in Trump cun a rel.#

Comments

comments

Comments

%d bloggers like this: