Trump Ih Hminsin Thar Dang Tuah Mi : Thukam Lak Lai LIVE Zohtu An Phuul

US President Donald Trump ih thukam laknak a tuah lai LIVE tv ih rak zohtu an tam zet ih, leitlun hminsin thar an tuah. Thuthang hrekkhat cun Obama lai hnakin mipi an mal sawn an tin an LIVE TV ih zohtu hi santhuanthu ih um dahlo khawp in mipi an tam.

Akamai Techologies pawl ih an hminsin danah a zohtu hi 8.7Tbps an kim tiin an ti. Hihi Live suah tikih hminsinnak a si. Himi sangtu hminsin tuahtu cu US hrilawknak an rak neih ni November 8, 2016 kha a siih 7.5 Tbps in an zoh.

US rampi sung lawng ih zohtu hi mipi million 31 an kim ih Obama ih a rak tuah lai 2009 ih hminsin ahcun mi 38 million an kim ve. Asinan Obama ih an rak tuah laiih TV rak zohtu cu 1.1 Tbps lawng an rak si.

Akamai Technologies pawl ih an rak hminsin mi lakih Live zohtu nei tam bik hminsin dang cu Euro 2016 Football zuamawknak asiih 7.3Tbps an kim ve. 2016 Rio Olympic nunau gymnastic final an zuamawk laiih zohtu hi 4.5Tbps an rak si ve thotho.

Twitter le Facebook pawl ruangah santhar mino pawl ih kut ah LIVE in zohding a um phah theiih azohtu le a thlirtu khal mi an tam phah zet tiin Akamai pawl cun an ti.

Twitter pawl khalin Trump ih thukam laklai LIVE ih zohtu 7 million lenglo an um tiin an rak hminsin ve.#

  • BBC

Comments

comments

Comments

%d bloggers like this: