TranAsia Vanzam Tla Ah Mi 21 Thi

Vanzam tlaklai an rak zuk ngah mi.

Vanzam tlaklai an rak zuk ngah mi.

February 4, 2015

TransAsia Vanzam ATR 72 cun tuini ah Taiwanes khawpi ih Nanhu lilawn hrut in Keelung tipi ah a tla ih mi 21 in an nun an can hlei ah hliamtuar mi 17 an um ih mi 22 pawl tla tui thuthang ngan a si tiang an cincang theilo in an um hrih. Hi vanzam tlalai hi Moṭaw pakhat sung ihsin minute 1:17 sung an rak zuk. (hinah zoh theih)

Hi vanzam hi Taipei khawpi ih Songshan vanzam ṭumhmun ihsin Kinmen tikulh lam ih zuang suak mi a si. Vanzam parah mi 58 an to ih an lak ih mi 31 pawl hi an zaten nauhak pathum telin China mi an siih mi 23 pawl tla cu Taiawn mi an si tiah CNN cun a tarlang.

TranAsia ATR 72 hi kan dung kum July thla ah Penghu Tikulh ah ṭum theilo a rak tla dah zo ih mi 49 an thih phah zo. Kum 1951 ah an rak zam thok ih Taiwan ram ih mahte ih neih mi vanzam um hmaisabik a si. vanzam 20 lenglo an nei.

Taiwan’s Civil Aeronautics Administration (CAA) pawl cun hi vanzam hi cekfelnak January 26 ah an neiih a ṭhat thu le Vanzam khal kumkhat tluk fang lawngih hlun a silai thu an sim. Ziang ruang ah a tla tihi fiangten theih a silo.#

(Visited 898 times, 1 visits today)

Comments

comments

Comments

%d bloggers like this: