Tonsuahnak

Siar:    1Korin 2:6-16

Cuih a thuthup cu Pathian in kan hnenah A Thlarau in a phuang.     – 1Korin 2:10

Kumkhat sung Baibal: – Zekhariah 1-3    – Thufim 27:15-27

Laksawng fun um lo sehla Khrismas ih kan lungawinak hi a mal deuh men ding. Ziangahtile laksawng fun sungah ziang a um pei? timi hngakhlapnak hi kan thin khurter tubik a si.

Pathian in in sersiam tikah thil thar ton tikih lungawi nomnak tep theinak ding a telh cia ti cu a fiangzet. Ziangahtile thil thar kan ton tikah cuih thil neih ngaingai hnakin lungawinak le thinkhurnak a tam deuh. Curuangah laksawng kan pek awk tikah kan tuam ttheunak san cu a si.

Proverb sungah, “I hawltu in in hmu ding” (Thufim 8:17) ti’n kan hmu. Profet Jeremiah khal in, “Nan thinlung taktein in hawl ahcun in tong ding” (Jeremiah 29:13) ti’n a ngan.

Pathian in a hramthok te ihsin thudik zate’n a phuang ttheh zo nain Amah le mah cu nuam tete in a phuanglang aw (1Kor. 2:7-8). Curuangah kan hawlmi le kan hngahmi thil pawl hi an man an khung cuang.

Pathian cu a thup aw mi le hawl ttul mi a si lo. “Amah cu zo a si ih tlolak sungah ziang a tuah?’ ti kan tongsuak ding le lungawi nomnak kan co ding in duh sak sawn. Curuangah Pathian Thu na theih lo ruangah thinnau hlah. Tonsuak dingmi fun lo thil pawl hngakhlap in lungawi thinkhurzet in um aw.

Jesuh thu tamsin zir ka duh,

A thianghlimmi A duhdawtnak thei in;

Pathian ih Thlarau cu in zirhtu kan saza siseh,

Khrih thu i hmuhter aw.

Pathian in Amah le mah in pekmi laksawng cu

ziangtik hmanah kan fun lo dingmi laksawng a si.

Comments

comments

Comments

%d bloggers like this: