Tonkhawm Saalnak Zaanriah

Add an Image

February 13

Zarhte Ni

Tonkhawm Saalnak Zaanriah

Siar:

Thuphuan 19:1-9

Vancungmi in, “Himi hi ngan aw: Tuufano nupi tthit puai ih sawmmi pawl cu mi lungawi an si. Hih thu hi Pathian thudik a si,” tiah a ti.    – Thuphuan 19:9

Kumkhat Sung Baibal:

–   Puithiam 14

–   Matthai 26:51-75

Tuluk pawl cu khuahlan an pupa daan in Lunar New Year ding zaan ah an nu le pa inn, asilole an suahpi unau lakih upabik inn ah sungkhat unau zate tongkhawm aw in rawl ei tlangnak puai an tuah ttheu.

Ramdang ih hnattuan Tuluk pawl cu khualtlawng tamzet lakah vanzamleng, tlangleng, bus lethmat ngah thei dingin ahlankhan in tuante’n an tawlrel cia ttheu. Tawlrel cia lo ahcun sungkhat ton khawmnak puai cu pelh a si.

Baibal ca in cuhnak ih thupi sawn vancung ih tonkhawmnak zaanriah ei puai thu in sim. Thuphuan 19:9 in, “Tuufa nup-tthit zaanriah,” a ti. Cumi cu Lunar New Year ih tonkhawmnak zaanriah vek si loin Pathian siar lo zohman in a ni an thei lo (Matt. 24:36). Khualtlawng ih pelh ding khal phaan ding a um lo.

Himi vancung ih tonkhawm zaanriah einak puai ah zo pawl sawm an si? Pathian ih faate pawl lawng an tel ding. “Mi tthenkhat cun an zum; curuangah Pathian ih faate si theinak thu a pek. Pathian ih faate an cannak cu leilung daan, minung ih thii le sa ih hrinnak in a si lo. Pathian amah rori kha an Pa a si” (John 1:12-13).

Vancung ih tonkhawm zaanriah ei khawmnak puai ah na tel pei maw? Vancung ih puai ah tel thei ding ahcun “Jesuh Khrih cu i Runtu le ka Bawipa a si,” ti na zumnak in na ngah thei.

Vancungram luh theinak ziangti’n rinnak na nei?

Misual na sinak thei aw (Rom 3:23);

Jesuh ka hrangah a thi, ti zum aw (Tirh. 16:31);

Runtu a si, ti’n cohlang aw (John 1:12);

A thukammi zum aw (John 20:31).

Khrih zum cu runnak ngah a si ih,

Vanram co ding rinhlelh ding a um lo.

(Visited 28 times, 1 visits today)

Comments

comments

Comments

%d bloggers like this: