Tongkam Lawngih Pathian Biak

April 26

Nipi Ni

 

Tongkam Lawngih Pathian Biak

 

Siar:

Mark 7:5-15

 

Jesuh in, “Profet Isaiah in nanmah ih thuhla a rak sim tikah a va dik lawmmam so! Nannih mi titer-aw pawl, nan thu cu hiti’n a ngan: Pathian in, ‘Hih minung pawl hin an ttongkam lawngin in upat; an thinlung cu ka hnen ihsin a hlat ngaingai a si,’ a ti.     – Marka 7:6

 

Kumkhat Sung Baibal:

          2 Samuel 23-24

          Luka 19:1-27

 

“Hni aw” tiah Jay in Biakinn kan feh phah ah i fial. “Lungawi lo na bang” i ti. A si lo, thu ka ruatmi a si. Caan pakhat sungah thil pahnih ka tuahkop thiam lo. Asinan a lungawinak dingah ka hni. “Khavek in a si lo. A taktak in hni aw ka lo ti,” i ti.

           

I soiselnak in thu i ruat fiangter. A fial cop ih hnihtermi in hnih ngaingai a theih ding maw? Hnih ngaingai cu sunglam ihsin a rami a si, thinlung langnak a si, hmel langnak a si lo.

           

Thlazuk (ph0to) sungah a ngaingai si loin kan hni. Thla zuknak inn sung ahcun tha in pek ih kan hni. Aipuang vekin kan um, cumi cu a dik ngaingaimi a si lo.

           

Pathian hmai ah a ngaingai si lomi cu cohlan tlak a si lo. Kan lung a awi maw? kan riah a sia maw? kan aa maw? a si khalle a dikmi a ttul. Pathian in biak daan dik lo a hua, thudik lo sim  cu a duh lo sinsin (Marka 7:6).

           

Kan mit-hmai thlengh cu ruahnak lungput thlengh hnakin a ol deuh nain biaknak dik ngaingai cu thinlung, thlarau le cahnak an zate’n Pathian cu thangtthat tlak a si tiah lungrual a ttul. Kan thuhla cu riahsiatnak a si hmanah kaa lawng ih ttong le hnih hnakin Pathian ih zaangfahnak le lainatnak parah lungawi ding kan si.

 

Biak ding Pathian kan nei,

Thangtthat ding Fapa kan nei;

Kumkhua kan hmailam ah,

Duhdawtnak thawn a khatmi ni thla kan nei.

 

Thinlung sungih hla mawi in kan mit-hmai ah hnih a cuangter.

(Visited 34 times, 1 visits today)

Comments

comments

Comments

%d bloggers like this: