Tokyo University Ih “Aung San Suu Kyi Room” A Veikhatnak Mipi Hmuh Ding

10013956_920838304673916_8117378901837991714_nJapan ram, 1980 kum lailak hrawngih Daw Aung San Suu Kyi ih monograph a rak ttuan lai ih a umnak Office cu December 18 ah a veikhatnak mipi hmai ah hmuhnak neih a si ding ti’n Kyoto University’s Center for Southeast Asian Studies in a phuang tiah The Asahi Shimbun in a tarlang.

Daw Aung San Suu Kyi cu 1991 kum ih Nobel Peace Prize pek/hlan a si ih cumi hnu ihsin cuih a umnak room cu “Aung San Suu Kyi Room” tiah sunlawihnak thawn hmin pekmi a si. Mipi hmai ih hmuh ding ni ah Daw Aung San Suu Kyi ih zuk pawl, cuih center ih a um sungih a hmanmi thilri pawl le mikhual cazin pawl hmuhnak neih a si ding. Room sung lut ih zohtu dingah mipum 50 lawng sian a si.

December 11-18 tiang hi Kyoto University’s ASEAN week a si. Cumi kar sungah leitlun ih mi laar pawl, Southeast Asia ih mi fimthiam pawl tonawknak le ca siarnak puai ti a si ih puai dang tete ih tthentthek ah Daw Aung San Suu Kyi ih Room hmuhnak neih a si.

Suu Kyi ih zuk hmuhnak hi December 18-19 ah a si dingih zinglam nazi 10 ihsin zaanlam nazi 5 tiang a si ding. A hmun cu Inamori Foundation Memorial Hall of Tokyo University ah a si ding. Cazin pek ttul loin alak ih zoh theih a si.

(Visited 211 times, 1 visits today)

Comments

comments

Comments

%d bloggers like this: