TOKYO IH CHRISTMAS

December 24

Tlawngkai Nithum

 

Tokyo ih Christmas

 

Siar:

Tirhthlah 17:22-34

 

Ziangahtile nan khawpi sungih ka toihvah tikah Pathian nan biaknak hmun pawl ka zoh ih biakttheng pakhat parah kan theih lomi Pathian hnenah tiih nan nganmi ka hmu. Cuti’n nan thei lo na cingih nan biakmi Pathian cu atu nan hnenih ka phuanmi hi a si.

– Tirhthlah 17:23

 

Kumkhat sung Baibal:

       Zekhariah 10-12

       Thufim 30:1-9

 

2003 Christmas hlan zaan ah zuksuai thiam pawl cu Tokyo ih Sato Museum ah Christmas party tuah dingin an khawm aw. Mi tampi cun an zuksuaimi pawl cu Afghanistan ih nauhak pawl hrang fund hawlnak piahpuai ah an hlu. Rawl an ei ttheh hnu ah Mokoto Fujimura in Christmas ih sullam le an ni tla an zuksuai thiamnak hmangin midang hrangah leitlun ah ruahsannak sersiam ding caan ttha an neihzia a sim hngai.

 

Fujimura in, “Ka fiang ngaingai, cuih zaan ah Jesuh in a hmin hman thei lo zuksuai thiam pawl hnenah tel dingin amah le mah a sawm aw. Hrekkhat cun remnak hrang zuk an suainak khan sungah Jesuh umpinak an tep ngah zo ding ka zum. Nisuahlam mifim pawl Bethlehem caw inn a khihhmuh hngaitu arsi vekin Pathian laksawng thiltitheinak hmuahhmuah in Bethlehem caw inn ah khihhmuh,” a ti.

 

Paul in Pathian cu miphunkip hnenah hna a ttuan zia, “Pathian an hawl ih an hmu theinak dingah a si,” (Tirh. 17:27-28) a ti. Amah hmu ding kan ruahsan caan ah kan hnenah a um ti kan thieh a ttul. Jesuh in a suah caan Christmas tuahnak hmunkip ah tel dingin amah le mah a sawm aw.

 

Arsi tleu cu sunlawinak thawn a vang,

Leitlun ih a thimbikmi zaan tleuter dingah;

A hnemnak le duhdawtnak a ttultu thinlung ah,

Kalvari ih Khrih cu pek rero a si lai.

 

 

Jesuh ih hnattuan le umpinak hrangah

Christmas cu tthangphawktu a si.

Comments

comments

Comments

%d bloggers like this: