Tleunak Si Aw

January 31

Nipi Ni

Tleunak Si Aw

Siar:

Efesa 5:8-14

Hlan ahcun nannih hi khawthim sungah nan rak nung; asinan Bawipa ih minung nan si zo ruangah atu cu tleunak sungah nan um. Curuangah tleunak ih minung bangin nung uh.  – Efesa 5:8

Kumkhat sung Baibal:

?–          Suahlannak 25-26

–          Matthai 20:17-34

Ka rualpi pakhat cu thuthangca lam hnattuan a si ruangah kumtin Super Bowl lek zuam-awknak ah kai theinak caan ttha a nei. A hnattuan cu Khristian lek thiam pawl interview tuah ding le faith-based radio program hrangah National Football League ih lektu pawl interview tuah ding khi a si. Himi hna a rak ttuan thok pek ahcun Super Bowl lektu pawl in anmah hrang lawng ttuan in nunnomnak an hawlnak pawl a hmu hngai tikah, “A thimzetmi hmun si in ka hmu,” tiah thinnauzet in a ti.

NFL ih lektu Khristian pakhat ih, “Unau, nang cu hih khawthimnak hmun ih tleunak na si,” a timi in ka rualpa cu cutawk ih a umsannak thu a ruatter saal ih thuthangttha tleunak a ttulnak hmun ih Pathian hnattuannak ah thatho dingin le a tleunak kha tleuter dingin tha a pek.

Na hnattuannak hmun hi Pathian theih lonak, zumnak hmuhsuamnak le Pathian ttihzah lonak nun uarnak hmun a si thei men. “A thimzetnak hmun ah ka feh,” ti’n na ruat aw men thei.

Hni siamsi hmel, duhnungza ttongkam le tuahnak, hnattuan taimaknak in nan tleu thei (Efe. 5:8). Thuthangttha simnak ding caan ttha ngah dingin Pathian hnenah dil aw. Na hnattuanpi in an hmuh thei sun theunak pakhat cu nangmah lawng na si thei men.

Pathian in khawthimnak leilung ah in ret,

Tleunak ih faate pawl vekin tleu dingah;

Na thu karhzaiter dingin in bawm aw, Bawipa,

Kan tettikhanmi tleu ringring dingin.

Khrih hrangih kan tettikhanmi cu

a thimmi leilung hrangah tleunak pakhat a si.

(Visited 19 times, 2 visits today)

Comments

comments

Comments

%d bloggers like this: