Tleunak Le A Cahnak

Tleu
Albert Einstein ih ‘special relativity Theory’vek a si ahcun van boruak sungah a feh cak bik cu tleunak hi a si. Tleunak tlukih cak le rang ih feh thei lei le vanah an um lo. Tleunak ih cahnak (velocity of the light) thli lakah hin second pakhatah peng 186000 a feh thei. A sinan tidai sungah cun tleunak hi a fehnak tha a cak lemlo. Tleunakih fehcak zia hi tlawngkai pawl cun tha ten theih a si ko.

Leilungpi ihsin peng 246000 ih a hla mi thlapi parah hin tleu nakih cahnak thawn feh hnik sehla second 1.283 ah kan thleng ding. Cun tleunakih cahnak thawn ni ah feh hnik sehla minute 8 lawng kan rei ding. Cun kan mah thawn a naai bik mi Alpha Centauri arsi(leilung thlanglam Horizon ih um mi arsi) hnenih kan feh a si ahcun kum 4.3 kan rei ding. Curuangah van boruak pi ziangtluk a kau, leilungpi le arsi pawl ziangtlukin an hla aw ti cu ruah ban ding tla a si lo. Kan mah thawn a naai bik mi arsi hi tleunak kum 4.3 (light year 4.3) in a hla.” Tleunak kum”timi cu tleunak hi kumkhat sungah ziangtluk hla a feh ti theihnak a si.(tleunak kumih kumkhat -peng kadi tingruk).

Leilung ihsin kan hmuh thei mi ‘MILKY WAY GALAXY'(a hlawmih um mi arsi pawl) sungah “kadi”thawnghra tluk an um. Leilungpi sak lamih um mi ‘Polar star’ hi tleunak kum 142 kum hlatnak ih um mi arsi a si.

Albert Einstein ih theory vekin tleunakih a feh cak zia an tah dan le an tuat dan cu hitin a si.
-Leitlunah tleunak hi a cak bik.
-Tleunakih cahnak hi cak ter bet tla a theih lo ih fuung ter theih bet kgak a si fawn lo.
Ka peh bet leh ding.

By/ Mercy Tial

Comments

comments

Comments

%d bloggers like this: