Tlennak Hrangih Khualtlawnnak

October 6

Tlawngkai Nithum

Tlennak Hrangih Khualtlawnnak

Siar:

Filipi 2:1-11

Nan thinlungput daan cu Khrih Jesuh ih thinlungput daan vekin siseh. Khrih cu Pathian sinak a nei ringring … a sinak hmuahhmuah a taansan ih hnen-um sinak la tahrat in, minung ah a cang ih minung pianzia in a piang. Filipi 2:5-7

Kumkhat Sung Baibal:

Isaiah 26-27

–   Filipi 2

James Hansen in “Mi Pakhatnak (The First Man)” timi a cabu sungah Neil Armstrong thlapi tlun ih a kainak thu a ngan. Cangantu in thlapi par kaitu pawl ih an khualtlawnnak pakhat ciar ih hmuhtonnak an simmi pawl sim fiamgnak a nei saal. Cuih an simmi sungah Houston, Texas in Cape Kennedy, Florida in Thlapi par an fehnak, Pacific tipithuanthum, Hawaii an thlennak le Houston, Texas ih an thlen saalnak hmun pawl an tarlang. A va nasa ve!

Cumi hnakih a nasa deuhmi khualtlawnnak hminsinmi dang a um. In Rundamtu Bawipa ih khualtlawnnak thu hi ruat hnik! Jesuh Khrih: A ratnak – Vancungram; A rat thoknak – Bethlehem; A suahseemnak – nu thianghlim sungin; A ratsannak – misual pawl tlen dingah, A kir saalnak – Pa ih vorhlam ah.

Filipi 2:5-11 ah, Jesuh Khrih leitlun ih a ratnak thawngin rundam kan sinak thu fiangte’n a sim. Bible simfiangnak (commentary) ngantu pakhat in, himi catluan cu tuarnak nun neitu sal ih thungainak ruangah cawisan le sunloih thangtthat peknak hla a si, tiah a ruat. Khrih cu Pathian sinak a nei nain … tangdornak thinlung thawn thinglamtah ah thihnak a tuar. Curuangah Pathian in a saangbik hmun ah a cawisang (Filipi 2:5-9).

Kan Bawipa Jesuh Khrih ih rundamnak hrangah lamdang hleice a khualtlawnnak in  kan thinlung cu lungawinak le thangtthatnak in a khahter.   – Dennish Fisher

In zaangfah rundamnak cu ciamciam tumtahmi,

Lei le van karlak pehtlaih awknak lilawn;

Sangka on cia luh man pek ttul loin,

Aw, mangbangza rundamnak, keimah hrang tiangin. – Johnson

Pathian in milai thuanthu a siatbal,

kumkhua nunnak laksawng  pe dingah.

(Visited 24 times, 1 visits today)

Comments

comments

Comments

%d bloggers like this: