Tleizuun

Tleizuun
(Elegy)
 

            Zalemrawn Kai Ka Thai

1.       Piallei dai ih ruunrem, ka thai nunnem,
Zatial kai ih len tlang ka khop lo cing
Khuiah na um, ka tah cangah i lem
Lo len ? tapin pawk ning ka pawn sawlthing.

2.       Vun dawn thul ing, hlan kan nunte ka ngai;
Tlingraw zau ih zankhua thin hnangamtei’
Mitthli le kan sunmang  tla kan siar lai,
Hrinthar awiin sunvu hu ngai lo lei.

3.       Taan kan cu hrih lo e, na duat hrinhniang
A tah cangah lem kho lo hin, na dung
Zulih run pawk ka nuam sahnar zin tiang,
Na hnu-ah kan ruunsung thimzing a tlung.

4.       tuan zai a rel lo maw si ke, Khuanu’n
Anih ber ngelcel tel lo ngai hin teh?
A kei’ hrangih damsan, hoithlat neihsun,
Hrinhniang pomtlei loih pialrang a feh.

5.       Ralpi bang ka thin thawng hlei dar awn ring,
Ai maw! Duhte si kan tianni a tlung;
Zing tausang ih ninu mual a liam ning
Mitthli dur riat thlor peng zan khawthim sung.

6.       Si thiam seh’ maw, ka ih zanmang men tal
thanghoi, ka sir her in ka lo pom ding,
Thlah zai rel thiam nawn lo’n, duhthu thlum-al
Ninu, thlapa liam tiang phai leh hrih ning.

7.       I seherh cing’ zatial vun dom lo lei’
A farah cuang, ka duat, pialrang hnar ah;
Lungsia, thinnau le thlatemte’n a tlei,
tahnak ram hi a mitthli thawn a thlah.

8.       Kehlam a biang parih luangmi mitthli’n
Midang theihpit lo thu ’ sim ka thinlung;
A siangthlairem dai loi’ i hngah dan hin
A kaan lo, ka thei, rinumnak rinsung.

9.       Ka seherhmi biathu, thlahnak aanka
Kam hnih-khat tal hlan man loih tian ngai;
Zalenh daihnak vancung ram ah, manhla
Le diriampi’n biathu hmuah kan phai lai.

10.     I ruah len nan, a thlatemnak zanmang
Ruahpi le thli fial in i ra ko nan,
A san theithiam loin ka rak muang pang
Lungsir thinkuai in e pomlai ka caan.

11.     Hlanih lungmawng na manglian kha, na huat
Lo ih lungthli sungtei’ na ruah cang le,
Hnarpawn na ruundai ih ka pangpar duat
Sazaw fial in rak khiakter aw, Duhte.

12.      Biathu cah ning huiva le zuang zilthli
‘Zanmang talah i ra tlawng aw seh’ ti’n;
Thangsuah lo, kei, a lungzuntu men hi
I rak ngaithiam hram seh vandum ral in.

13.      Van sang kar ih len thiam zuanzang vaca,
Khua letsel ih ka thai na hmu lo maw,
A sia ka herh lo maw si, i tanta?
Zalemrawn in i hngak seh ti’n hal law.

14.      Zuunthing ul nai’ nithla siar ai tla len,
Hlingrul le meisa hman tawt peng, a mei
Pawk aw’n ka pu sazaw, ka lungsi te’n
Mithi khua tiang thlah lo’n ka thlun hnik pei.

15.      A hi ti lei’ zaa vung tian miarmo cu
Sim aw lan lang Khuanui’ rel kan thuanthu;
Ka lungthin kha’n rel thiam hlah e tuanzai,
Zalemrawn kai duhlai ka thai a ngai.

                                                            JC Kip Ling

(Visited 46 times, 1 visits today)

Comments

comments

Comments

%d bloggers like this: