Tlawngta pawl ih Telnak

Tlawngta pawl ih Telnak

Siar:

Saam. 119:139

Na thuzirh fiangternak in tleunak a peek. – Saam. 119:130

Kumkhat Sung Baibal:

Saam 125-127

Phunhra tlawng le Phunsaang tlawng saya pakhat dinhmun in ka hmuh suakmi cu: Zirnak timi cu Tlawngta le Saya karlak ih ttuan tlang le tuah thlangnak a si. Curuangah saya in tlawngta pawl tla thil pakhatkhat tuah tlang cio ding caan a peek. Saya in tuahmi a nei. tlawngta khal in tuahmi a nei. An pahnih in tuahmi an nei veve. Cutikah fimthiamnak timi cu a cang suak.
Saam 119 :129-136 sungah Saam cangantu in cuvek pianhmang deuh in ruahnak in peek. Pathian cu zirhtu saya, kannih pawl cu tlawngta ti’n.
Fimnak kan zirnak dingah Pathian ih cangvaih daan zoh hnik uhsi! A zaangfahnak in hmuh (c.132). Kan kekarnak lam in hruai (c.133), ih harsatnak lakin in ruun (c.134).
A hmaisabik ah tlawngta si ding kan duh a ttul. Pathian ih zirhmi, lam hmuhnak le bomnak cohlaang dingah raalring in kan tiimlaam cia a ttul. A cazirhnak sungah zum cia in lut ding kan ttul. “Na thuzirh fiangtermi in tleunak i peek, mi lungmol hnenah fimnak a peek” (c.130-131).
A tlawngta kan si le a ttulmi thil pathum a um: (1) Pathian Thu ziang a si? ti’n in zirhmi pawl cekfel ding, (2) Theihnak ngah ding le (3) A thupeekmi thlun ding pawl tla an si.
A hnen ihsin thuzir le thungai dingah Cazirnak khaan sung lut a cu thlang. Cutikah Pathian parah duhnak thar kan nei dingih leilung tlun pumpi tla ruahnak thar in kan hmu ding (c.136).
Na Thu cu khur thukzet vek a si,
Lung mankhung vek tla a si;
A thuknak hmun ah phum in a um,
Thungai thlak ih a hawltu zate hrangah.
Pathian Bible thu ruah tthatnak in Rundamtu thawn naite ah in fehter.

Comments

comments

Comments

%d bloggers like this: