Tlawngkhen 100 Le Pia 263 Pumsung In Phorh

India ram ih pa pakhat a pum na ringring mi sibawi hnenah a va zohaw ter cu thildang lam zet an rak tuahsak. A pum ah thir pound 12 tluk ih rit a um ti an rak sim ih an rak porhsak.

Maksood Khan kum 28 mi, Rickshaw mawng ih pumcawm cun November 19 ni ah a pumna tuar lo in a umnak hmun Madhya Pradesh ih Sanjay Gandhi Hospital ah a va zoh aw ter.

Sibawi pawl in a thok ahcun tur eisual ruangih cang mi ah an ruat lawk. Asinan an zohfiang sal tikah tur siloin thir a rak um ti an hmusuak ih November 24 ni ah a zaten an phorhsuak sak thluh.

An phorhsuak mi pawl cu thiirhren, thirhri, pia nawi 263 le tlawngkhen 100 tluk lai a siih nazi 3 sung rei an tuah tiin a tuamhlawmtu sibawi hotu bik Dr. APS Gaharwal cun a sim.

2016 ah hivek deuh thotho in India ram Amritsar ih um Punjab mi, thlahnih sung blaze (blet) rak vawlh dahtu an rak phorhsak dah zo. Blet 40 rori a pum ihsin an rak phorhsuak sak ih nihnih sung rei an tuah.

Blet an rak phorhsak pa ih a rak simi danglam zet cu, blet a ei tikah thaw zet in a rim le a thawtnak pawl a theiih cutin a volh tithu a rak sim.

Tu ih an phorhsak pa khal a dam khaw suak ding tiah an zum.

REF : CNN, TOI

(Visited 145 times, 9 visits today)

Comments

comments

Comments

%d bloggers like this: