Tlawng Saangbik

November 26

TlawngKai Ninga

Tlawng Saangbik

Siar:

Saam 27

Bawipa cu ka tleunak le ka rundamnak a si. Zoso ka ttih ding? Bawipa cu ka beunak lungpi a si; Zianghman ka ttih lo ding.  – Saam 27:1

Kumkhat Sung Baibal:

–   Ezekiel 27-29

–   1 Peter 3

Kan nunnak hi a dan a dan ih tthen in kan fingkhawi. Kan nitin nun cu fialmi tuah, innsungsang hnattuan, nauhak kilkhawi tivek in caan pawl in a luahkhat thluh. Cuhlei ah thlaraulam ih cangvaihnak a simi Biakinn ih khawm, veng khawm, bulpak thlacamnak tivek in caan kan hmang.

Saam Cabu sungah cuti vekin a dan a dan in an tthenmi nunnak caan kan hmu lo. David le a dang Saam cangantu pawl cun Pathian cu an nunnak ih hmunlaibik ah an ret ih ziang hmuahhmuah Pathian thawn an pehtlaihter thluh. An hrang ahcun Pathian biak cu an nunnak ih cangvaihnak hmunlaibik a si. Hnattuan dangdang ttuan phah in si loin cangvaihnak dang an tuah theinak dingah a si sawn. Kan nunnak zate ah Pathian lamhruaiter ding kan ttul.

Saam Cabu pawl in Pathian umnak hmundik cu hmunlaibik a si ti in theihter. Saam cangantu pawl ih Pathian an ttul zia, hiarhaalnak an neih zia in kan derdai zia in theihter.  Pathian an ngai, zukneng in zo tidai a ngai vekin Pathian an haal (Saam 42:1-2). Zaan ah tthangharh in Pathian mawinak hmuh an duh (Saam 27:4). Hmun dang ih kum 1000 lai um ding hnakin Bawipai’ innsung ih nikhat caan hman ding an duh sawn (Saam 84:10).

Zumnak cu zirnak tlawng a si ih Saam biazai pawl kan siar tikah cangantu pawl ih nun daan in cawng thei.   – Philip Yan Cey

Khrih ka Bawipa hrang san khat lawng ka nung ding,

San khat lawng ttuannak ding caan ka nei;

San khat sung ka sinak hmuah in ka pek ttheh ding,

Thinlung tak le thungai thlak in.   – Brandt

Pathian duhnak thinlung nei dingah

na thinlung zate Pathian pe aw.

Comments

comments

Comments

%d bloggers like this: