Tlawng kai ni ziat ah na suak ta kha…?

Kan ti theu bang in thutak fun tuk hlir ih um khal thil tha a si theh cuang lo ih CT nitin siartu pawl hrangah suahni thuken kan ngan sal. A hleice in tuitum cu fala le tlangval hrangah tampi thinlung danglamnak a um ding kan zum.

 

Tlawngkai nikhat ih suak pawl 

Kan Lai danih kan siar in zarhkhat ih a ni hmaisabik a si vek in, ziangtinkim an tuahnak ah a hmaisabik si an duh, a thatnak a um rualrual in khat lam zawngah, ‘A hmaisabik an si lo nak hmunah hmanawk ngaingai an paih tuk lo’. Falat tlangval lam khalah, “Falat tlangval laiih nuthlawi pathlawi neih cu’ tiih nunpi tu an si tlang pi.  

Tlawngkai nihnih ih suak pawl 

Vanthatnak co ngah thei zettu an si tlang pi. Mi parih an ruahnak a that vek in, mi khalin ruat dingah an neihaw ih, cucu an tuah sual mi tlangpi a si theu. Falat tlangval lamah mi dai zet pawl an si theu nan, zum lo zet ih nupi pasal nei thuthi an si theu.  

Tlawngkai nithum ih suak pawl 

Mizia ah mi an pawl lo maw si ding? tiih ruah ding ko an si theu nan, vun kawm ngaingai len thurel thei zet le thil thei thei zet an rak si theu. Hnat.uan hruthro lam hnakin a dam zawngih sum lakluh an thiam ih, sum khawl lam khal an thiam thei zet. Falat tlangval lam ahcun mi lak tlangleng ban an si tlangpi. 

Tlawngkai nili ih suak pawl 

Mi lak tlang vohvo thei an si tlangpi ih, zirnak lam hnakin tuahtuan theinak lam uar tu an si theu. An tongkam a zaangih, veikhat biak men ah, rintlakzet an si a lang theu. Hnasang an kai theu vekin, porhawk an hmang zet. Fala tlangval lamah, duh lo vek ih um siin, a thupten lerh zet an si duh. 

Tlawngkai ni nga ih suak pawl 

Beidawnnak an tawng tam ih, hmansehla anmah an beidawng har zet. Mi lakah thurel thiam lo an tam sawn nan, tuahtuannak lamah mipi rinsan an hlawh duh zet. Falat tlangval lam khalah an hmui ngil ih, ‘a phu lo a’ ti ding ko an tawng ngah theu.  

Zarhte ni ruk ih suak pawl  

Zarh ne lam hi suak an si vek in, puai ni khua ah fatu lam tuanvo co ngah tu an si thei zet. Nunze ah lamah zoht.him tlak ciamco an si tuk lemlo nan, an mah le mah cu an rinsan aw zet. Phanvar per an thiam ve duh zet fawn. Falat tlangvalnak lam an thupit tuk lemlo. 

Zarhpi ni ih suak pawl 

Tong ding an tlasam lemlo, evangelist hrang ih tha zet ding khi an bang theu. An lung a ruh ih, sumpai hman lawngte an thiam lemlo. Sum lak luhlam an cak vek in, a hman lam khal an cak duh zet. Falat tlangval lam ah an tawn ngah ahcun an rinum duh zet nan, tawngtu an mal zet theu.

A parih nganmi pawl khi mipi tlangpi sim duhnak a si, bulpak thawn ziang hman pehtlaihawknak a nei lo

 

Comments

comments

Comments

%d bloggers like this: