Tlan Zuam-awknak Ih Tlan

January 29

Tlawngkai Ninga

Tlan Zuam-awknak Ih Tlan

Siar:

1 Korin. 9:19-27

Tlan zuamnak ah mi tampi an tel ttheu nain pakhat lawngin zuam man laksawng a ngah ti cu nan theih tthehmi a si. Curuangah zuamman laksawng ngah dingin tlan uh.      -1 Korin. 9:24

Kumkhat Sung Baibal:

–   Suahlannak 21-22

–   Matthai 19

Spiridon Louis cu Leitlun huap mi hminthang cu a si lo nain Greek ram ih um mi a si. 1896 kum ah Athen khua ih Olympic leh zuam-awknak thar an thawh saalnak ihsin Greek ram sungih hminthang ah a hung cang.

Cuih leh-zuam awknak ah Greek pawl cun laksawng tampi an ngah na’n an uar-awknakbik cu marathon timi peng 24.8 (40 kilomiters) hlat tlan zuam-awknak  ah a pakhatnak an ngahmi hi a si. Minung 17 in an zuam aw ih Louis in a pakhatnak a ngah. Amah cu hnattuan khung ttuantu mi menmen te a si. An siangpahrang le an ram in upat sunloihnak an pek tikah mipi ih uarzet mi hminthang pakhat ah a hung cang.

Paul in Khristian nun hi tlan zuam-awknak thawn a bangrepter. “Tlan zuamnak ah mi tampi an tel ttheu nain pakhat lawngin tlan zuam man laksawng a ngah ti cu nan theih tthehmi a si. Curuangah zuam man laksawng ngah suak dingin tlan uh,” (1Kor. 9:24) tiah tlan men loin nehtu si dingah in sawmngiar. Amah khal cuti’n a nung. “Tlan zuamnak ah ka ti thei patawp in ka tlan zo, tlan zuamnak a netnak tiang ka tlan zo ih ka zumnak khal thlauthla lo te’n ka pom hnget zo” (2Tim.4:7) a ti. Vancung Siangpahrang hnenin sunlawinak lukhum ngah ding a hngakhlap.

Siangpahrang lungawiter dingin nitin na Khristian nun ah Paul vekin tlan aw.

Tlan zuam awknak ih kan tlan tikah,

Kan zuam thei patawp kan zuam vekin;

Kan tlan in caktertu cu,

Siangpahrang hrangah ka neh ding, timi a si.

Khristian tlan zuam-awknak cu tawite sung a si lo,

marathon timi hlatpi tlannak a si.

(Visited 35 times, 1 visits today)

Comments

comments

Comments

%d bloggers like this: