Tlan Uh!

June 13

Zarhpi Ni

Tlan Uh!

Siar:

1 Korin. 9:19-27

Tlan zuamnak ah mi tampi an tel ttheu na’n pakhat lawngin tlan zuam man a ngah ti cu nan theih tthehmi a si. Curuangah zuam man laksawng ngah dingin tlan uh.    -1 Kor. 9:24

Kumkhat Sung Baibal:

Ezra 6-8

John 21

Laksawng ngah zuknung Chariots of Fire ih lemcangtu (actor) cu Mirangmi tlan cakzet Harold Abrahams a si. 1924 kum Olympics ih meter 100 tlan zuamnak ah Eric Liddell in a neh ih a rak beidongzet dah. A fala nu Sybil in tha a pek tikah, “Neh dingin ka tlan. Ka neh lo ding asile ka tlan lo ding,” tiah thinhengzet in a ti. A falanu in, “Na tlan lo asile na neh thei lo ding,” tiah fimkhurzet in a sawn.

Nunnak cu thil linglet awmi thawn a khat ih zumtu pawl khal beidonnak in kan luat cuang lo. Paul cun cuih tlan zuam awknak ah beidong lo ih tlan dingah in sawmngiar (challenge). “Tlan zuamnak ah mi tampi an tel ttheu na’n mi pakhat lawngin tlan zuam man laksawng a ngah ti cu nan theih tthehmi a si. Curuangah zuam man laksawng ngah dingin tlan uh” (1Kor. 9:24) a ti. Rintlakzet in kan tlanmi cu kan Siangpahrang upatnak in a si ih A hnen ihsin kumkhua sunlawinak sui lukhuh kan ngah ding thu Paul in a sim.

Kan tlannak ah kan kekal kan sual, harsatnak ruangah sualnak sungah kan tlu ih Pathian riannak kan cawl a si ahcun tlan man laksawng co dingmi kan sung ding. “Na tlan lo le na neh thei lo ding,” timi Sybil ih ttong cu a dik. – Bill Crowder

Siangpahrang hrangah thinsaunak thawn kan tlanlai ah,

Dawnkhamtu pawl an tamzet;

Bomnak dil dingah kan Bawipa zoh ding kan khul a fung vingvo,

Kan tumtahmi hmu dingin Amah in in bawm ringring. –Branon

Zuam man laksawng hnak in a tum sawnmi cu,

kan Bawipa ih “Sal ttha” tiah in lomnak kan theih dingmi a si.

(Visited 32 times, 1 visits today)

Comments

comments

Comments

%d bloggers like this: