Tlak (Clay)

November 6

Tlawngkai Nihnih

 

Tlak (Clay)

                                                           

Bible Siar Ding: Isaiah 45:9-12

 

Tlak in Beeltuahtu kha, “Ziangso na tuah rero hi?” a ti dah maw?

Beel in beeltuahtu ih zung mawi lonak cu a soi dah maw?

–         Isaiah 45:9

“Na can duhmi poh ah na cang thei, na thinlung khuaruahnak (mind) zate kha cuih na can duhmi parih na bun/ret ahcun.” Himi hi midang thazaang peknak ttongkam cu a si, asinan a dik lomi a si. Ziangahtile kiosa asilole muvanlai can ka duh ti’n nasatak in ruat ciamco hnik sehla a cang thei ding sawm?

Beeltuahtu (Potter) kan Pathian in zumtu a fahniang pakhat cio ih nunnak hi Amai’ tumtahmi (Purpose) hnattuan ttuansuaktu dingah Amai’ duhzawng in a sersiam ih a duhmi in a ceimai/thuam (fashioned) fingfing a si.

Pathian in ziangruangah mihrek cu mipa (man) ah in tuah ih mi tthenkhat pawl cu minu (woman) ah in tuah ti cu theih ban a si lo, asinan a tuah a si mai ko. Ziangruangah mihrek cu vundum in a tuah ih mitthen cu taksa ngo in a tuah si pei, kan thei lo, asinan a tuah cu a si phot mai. Ziangah si pei mihrek cu mai’ sung thu hnakin kiangkap thuhla deuh sunsaktu (extrovert) a siter ih mitthenkhat hmuah mipawl paih loih mahte lawng um duhtu (introvert) a siter, kan thei baan lo, amai’ duhhrilnak in a tuah a si mai.

Cumi vek ka si duh, khami vek ka si duh na’n si ti rero pawl khi Sersiamtu Pathian hnenah thil an ti palh a si. Cu pawl cun Beeltuahtu hnakin anmah sawn in an hrangih thil ttha theitu ah an ruat aw. Tlak leilung in amahte a duhmi ah a sersuak aw tum. Luarkaizet ih kan hmuh theimi cu mihrekkhat pawl in nunau-mipa sinak (gender) rori kha thlengh an tummi – mipa rori nunau vekih ruat aw le nunau rori mipa vekih um khi a si. Tlak (clay) in Beeltuahtu ih duhsaknak a el (refused) vekah a cang a si.

Kan thinlung sungih diriamnak le lungkimnak nasabik cu Sersiamtu Pathian in ka hrangah a tthabik in a tuah a si timi cosaan thei le pom theinak ihsin a ra.

Sersiamtu Pathian, Beeltuahtu Na si ih ka hrangah thil tthabik na tuahmi parah lungkim lo le diriam tawk loih ka um ttheumi parah in ngaidam hram aw. Keimah te tawlrel awtu si loin Nangmai’ thilthiamnak parah hngatsan daan ka thiam theinak dingah in zirh aw.

Beeltuahtu in ka nunnak sungah siter a duh lomi rori kha a hramhram ih siter dingin ziangmi kha ziangti’n so thlengh ka tum ciamco ttheu?

 

@Pennington

(Visited 24 times, 1 visits today)

Comments

comments

Comments

%d bloggers like this: