Tlaan ih Relh

November 17

Zarhte Ni

 

Tlaan ih Relh

                                               

Bible Siar Ding: Mipum. 35:9-28

 

Cutawk ah a rol pei ih a thahmi sungkhat pawl in phuhlam an duh khal le a him ding.     – Mipum. 35:12

 

Nangmai’ bulpak sualnak ruangah hmundang ih tlan hlo duhnak thinlung na nei dah maw? Ziangtluk lamhlapi le lamnaite ih kan tlan a si hmanah kan sualnak cun in thlun ringring a si. Kan tlaan (run) suak thei ko nain kan relh (hide) thei hrimhrim lo a si.

Khuahlanlai Israel miphun sungah, Pathian in mi a thattu cu amah thah ve a si ding, timi daan thu a pek hngai. Thah a tuartu ih sungkhat pawl in mithattu pa kha an lehrul thei lonak dingah Pathian in beunak ding khua pawl (cities of refuge) a neihter. Tumtah hrim ih mithat a si lotu cun a naibikmi cuih relhnak dingih hminsinmi khua pakhatkhat sungah va tlan tahrat in a rol thei. Mithi sungkhat pawl in phuba an hlam tum a si khal le tikcu caan ziangmawzat cu an hngah tengteng a ttul.

Kan Pathian cu zumtu pawl ih kan beunak Pathian (God of refuge) a si ih kan hrangah kan sualnak ihsin himzet ih kan relh theinak dingah beunak hmun in tuah saktu a si. Kan retheihnak caan a sau, kan mawhpalhnak khal hnganlang in a um, asinain, kan beunak Pathian cun kan sualnak ruangih kan tuar dingmi sual man thihnak leiba cu in kuansak thluh zo a si.

Kannih zumtu pawl cun mawh in phurhtu sual ihsin himdam teih kan um theinak dingah Amah sungah kan tlaan (run) in kan relh (hide) thei a si.

Bawipa Pathian, sualnak ihsin tlansuak theinak le relhnak hmun in tuahsakmi parah lungawithu ka lo sim. Ka himnak dingih Na pekmi man hmang sualtu si lo dingin in bawm aw.

Ka sualnak ihsin tlansuak dingin ziangti’n so ka zuam awk?

“Tuni ah Jesuh in ka beunak dingah ziangmi so in tuahsak?

 

@Pennington

Comments

comments

Comments

%d bloggers like this: