Titoih Puai (Tingyan) Concert Mandat Pawlih Sak Dingmi Hla Pawl Original Hla Neitu (အႏုပညာ မူပိုင္) Hnenah Man Pek Ding

Tinyian
Yangon, April 3, 2014
Myanmar nunphung puaipi Tingyan puai sung, concert tuahnak mandat parih an sak dingmi hla pawl hrang zungthiam original lungkimnak man pek a si ding thu Music committee ih sungttuan bawmtu U Kyaw Lin Hting cun The Voice hnenah a sim.

“Kan dungkum ahcun Tingyan Mandat concert hla hrangah Zungthiam hnenih neitu siannak man dil a rak si. Cumi lai ahcun concert tuahtu pawlin Original Series sungih aw vekin sak loin music tumtu pawl thawn tumsalih sak a si ruangah Hla Phuahtu hnen lawngah man pek a si. Neta lam cun a saktu taktak ih aw phit tahratih sak a si tikah phuah, sak, tum, suahtu, aw khum tiin panga hrang tuikum cun dil a si thlang ding. Hitivek ih danglam zetih dil a sinak cu music thawih pehpar-tu zate hrangah a neitu taktak ih siannak(မူပိုင္ခြင့္) thawn pehparin tthathnemnak a um ding ruah ah a si” tiin himi zungthiam mu-paing-khuan dilnak programme thawn pehparin U Kyaw Lin Htung cun a sim bet.

Hla fingkhat ah Zungthiam mu-paing-khuan cu ; Phuah, Sak le Suahnak lam hrang 25%, Music instrument hrang 15% le aw khumnak lam hrang 10% tiin Music committee pawl cun a tthensak ding thu, Music khawvel thawn pehparmi hnattuantu pawl, Show tawlreltu pawl, Zuknung awsuah lam line pawl remcang ding hrangah hla fingkhat an sak zat le an suah zat parah zoh tahratin sum khuan a si vivo ding thu pawl khal a sim bet.

“Hla fingkhat timi cu a saktu pakhat lawng thawn a pehparawmi thil a si lo. Zungmawi thiamnak lam, theihfimnak lam thawn komkhawmih ttuantlang a si hnuih hla fingkhat a ra cangsuakmi a si. Atu vekin music committee pawlin zungmawi thiamsang pawl hrangah hivekin an tuahmi cu mahih zuamnak taktak thawih ttuansuahmi hrangah zungmawi thiamnak timi kan feel thei ding a si” tiin hlasak thiam Aung La cun a sim.

Source : The Voice Weekly

Comments

comments

Comments

%d bloggers like this: