TIPITHUANTHUM SUNGIH UNAU SINAK

 

January 17

Zarhte Ni

 

Tipithuanthum Sungih Unau Sinak

 

Siar:

Efesa 2:14-22

 

Cuti a si ruangah….. .Pathian ih miphun le innsaang sungtel nan si zo. – Efesa 2:19

 

Kumkhat sung Baibal:

          Seemtirnak 41-42

          Matthai 12:1-23

 

August 8, 2005 kum ah Russia mi lawng hnattuantu 7 cu tipithuanthum hnuai ih an taang tikah maksakzet in Russia, Japan, British le American lawng hnattuantu pawl in an ruun suak. Thimzet le daizetnak hmun tipi hnuai ah, ni thum sung an taalbuai ih, oxygen thli hawp ding nazi 6 hnak ih mal daih ding lawng a taang laifang ah an ruun suak. Russia-Defense vuanzi in, “Thu lawng si loin tuahnak in tipithuanthum sungah unau sinak kan hmu,” tiah lungawithu a sim.

 

Efesa kawhhran ah Jesuh Khrih sungih unau pumkhat kan si thu a sim. “Pathian ih miphun le innsaang sungtel nan si,” (Efesa 2:19) a ti. Zentail mi tla cu a hlan ahcun mikhual le ramdangmi, atu ahcun Khrih ih thiisen ruangah naizet ah kawh khawmmi nan si zo, Judah mi pawl thawn unau nan si zo. Hih pumkhatnak thu cu tusan Christian lakah feh tlangter ding a si.

 

Jesuh zumtu cu runsuahnak hnattuan ttuan dingih thupek mi kan si. Nitin Khrih thei loin mi tamp an thi. A pehzom awmi mission hnattuannak in leilungtlun pumpi ah ruahsannak, rundamnak, fimthiamnak, bomnak pawl harsa mi pawl hnenah  an tuah sak. Pathian cu thangtthat si ko seh! Cumi cu a si Khrih ah unau sinak cu!

 

Khrih sungah nisuah, nitlak a um lo,

Amah ah saklam le thlanglam a um lo;

Duhdawtnak ih pehtlaihnak thupizet pakhat lawng a um,

Leitlun hmunzakip ah.

 

A harhdammi Kawhhran cu a dam lomi leitlun ah tetti tthabik a si.

Comments

comments

Comments

%d bloggers like this: