Tipi thuanthum Cati

March 4

Tlawngkai Nithum

Tipi thuanthum Cati

 Siar: Efesa 3:18-19

Minung fimthiamnak ih a theih thluh thei lomi a duhdawtnak cu nan thei ko dingih a famkimmi Pathian a sinak thawn nan nunnak cu a khat ding.  -Efesa 3:19

Kumkhat Sung Baibal:    Mipum. 31-33   Marka 9:1-29

 Pathian ih duhdawtnak” timi hla ttongfang hin Pathian ih mangbangza duhdawtnak a langter:

                                                                               Tipi thuanthum cu cati canter thluh in,

Van cu cangannak ah hmang in;

Pathian ih duhdawtnak ngan sehla,

Tipi thuanthum a car ding ih,

Van khatlam in khatlam deng tiang,

Ngan hman sehla a tlem lo ding.

            Paul in zumtu pawl hrangah thla a cam: “Nan hram le nan hramttohnak cu  duhdawtnak sungah bun uhla cuti cun Pathian ih minung pawl thawn thinlung khat in Khrih ih duhdawtnak a thuk ih a saanzia le a sau ih a kauhzia kha theih theinak nan nei ding, ti hi a si.

 Minung fimthiamnak ih theih thluh lomi a duhdawtnak cu nan thei ko dingih..,” (Efe. 3:17b-19). Baibal thiam pawl in an zummi cu: “a kauhzia” timi ttongfang hin Pathian ih duhdawtnak cu leilung pumpuluk a huapkau zia a langter (John.3:16), “a sau” timi ttongfang hin san hmuahhmuah huap a sizia a langter ih (Efe 3:21), “a thuk” timi ttongfang hin Pathian ih fimnak le theihnak a sawh (Rom 11:33) vekin, “a saang” timi hin sualnak neh in vancung lamzin a on zia a langter (Efe 4:8).

            Pathian ih mangbangza duhdawtnak lawm rero dingin zirhmi kan si. Pathian ih duhdawtnak kan thei kan ti hmanah famkimzet in kan theithiam ngaingai lo. Tipithuanthum cu cati cang ttheh in Pathian ih duhdawtnak thu ngannak ah hmang sehla tipi a kang ttheh hmanah ngan ding a cem lo ding.

                                                                                    Pathian ih duhdawtnak cu nunnak in ton a theih na’n

kaa in sim thei a si lo.

Comments

comments

Comments

%d bloggers like this: