Tip Na Tanta Maw?

March 28

Zarhte Ni

Tip Na Tanta Maw?

Siar: 2Korin 8:1-9

Amah cu a lianzet nain nanmah ih ruangah mifarah ah a cang.-2Korin. 8:9

Kumkhat Sung Baibal: Thutthentu 4-6 Luka 4:31-44

Tip timi Laksawng malte pek hi ram tampi ah an hmang. Kawhhran ih paisa kan pekmi hi teh hivek lungput thawn maw kan pek, tiah ka ruat ttheu.

Khristian tampi in kawhhran ih sumsaw pek hi Pathian ih ttuanvo in pekmi kan ttuan a si tiah an ruat. Kawhhran ah tthenhra tthenkhat kan pek tikah a taangmi cu kan duh bangih hman ding a si ti’n an ruat. Asinan Khristian nun cu sumsaw pek lawng hi a si lo.

Baibal in hramlak ih ramsa hmuahhmuah tla Sersiamtu Pathian ih taa an si ttheh thu a sim (Saam 50:10). Leilung pumpi le a sungih ummi hmuahhmuah cu A taa an si thluh (c.12). Ziang hmuahhmuah Amah hnen ihsin an ra ih kan neihmi hmuahhmuah cu Amah ih taa an si. Pathian in thilri lawng in pek lo. Rundamnak in petu a Fapa Bawi Jesuh Khrih khal in pek.

Paul in, “Pathian cu kan tlun ih ruah ban lo ih a siannak ruat in A hnen ih pek duhnak thinlung kan neih theinak dingah Macedonia Khristian pawl ih thu tahtthimnak ah a sim. Macedonia mi pawl cu an farahzet nain siangzet in an pek (2Kor. 8:2) tiah a ti. Asinan, “Anmah cu a hmaisabik ah an pum an pe aw” (c. 5).

Tlolakpi sersiamtu Pathian cun kan hnen ihsin ttulmi zianghman a nei lo. Laksawng malte laak khal a duh lo. Asinan in ttul a si.

Kan lo hlanmi ziang khal hi Bawipa,

Pek saal ding a let thawng tampi in;

Lungawi tein kan lo pek ding,

A zate petu – in petu.

Ziangzat hman pe awla, Pathian hnakin tamsawn na pe thei lo ding.

Comments

comments

Comments

%d bloggers like this: