Tio Khua In High School An Ngah, Zirhtu Daih Awlo

Tlawng Onlai Zuktu : Lal San Luai

Tlawng Onlai
Zuktu : Lal San Luai

Tio Khua pawl cun High school an ngah thok ih lawmnak caan serh khal June 23 ni ah an hmang. Rih khawtlang bawi le Falam peng fimzirnak tlangbawi pawl khalin an tel pi ve. Tlawngta nauhak pawl in lungawinak hla le laam nak thawn caan an hmang.

An tlawng thar onnak ah Falam peng fimzirhnak lam ih tlangbawi U Saw Thang cun, nauhak tlawngta pawl hnenah zuam sin dingin le nu le pa, tlawng saza/mah pawl ih ṭuanvo a tum vivo ding thu pawl le phun 10 ong thei ding ih zuam dingin forhfialnak a nei. Rihkhawdawr Middle tlawng uk bawi U Thein Win khal in thucah tawh simnak a nei. Hi tlawng hi Tio khua um nu le pa, tlawng saya/mah pawl ih an ṭankhawmnak le an zuam khawmnak ihsi ngah a si thu, Tio khaw bawi Zaua cun a sim.

Tlawngta nauhak 600 lenglo an neiih zirhtu tlawng saza 11, zung hnatuan 3 le bawmtu saza/mah 5 pawl an um. Tio tlawng uk bawi cu Daw Ngun Za Hngel a si. Tlawngta nauhak pawl an tam nan zirhtu tlawng saza/mah an daih awlo. Tlawng inn khal sak bet a ṭul nan uktu lam upa pawl in zianghman hmalaksaknak a um thei hrihlo tiin Tio laihlum pakhat cun a sim.

Tio High school hi kiangkap khua ihsin nauhak ziang maw tizat in a ra kai. Ahleice in Vutbuak, Kawilam(Tedim peng), Lianhna khawhlun le thar, Cawhte, Ticirh le Hmunluah (Falam peng) pawl ihsin an kai.

Tio khua hi inn khi 400 lenglo an si. Tui dinhmun ah phun hrek ihsin phurriat tiang tlawngta nauhak 600 hrawng an nei. Tio ih tlawngca an zirthok nak cu 1993 kum ah a si. Cumi laia ahcun Tlawnginn a um hrih lo. Private in Rih half-class (တန္​းခြဲ) in an rak zirh. 1998 kum ah acozah basic school an ngah ih tlawngta 67 an rak um. မူလြန္​ hi 2006 ah an ngah. လယ္​ခြဲ (half-middle) hi 2010 ah an ngah. Middle School (အလယ္​တန္​း​ေက်ာင္​း) hi 2013 ah an ngah. Cun tu hi ထက္​ခြဲ half-high school 2015 ah an ngah.

Falam pengpi sungah tlawng (school) 176 a um ih, tui kum ah Tiau le Vuibulah khua in ထက္​ခြဲ an ngah.

Tlawng Onlai, tlawngta pawl in laamnak thawn an lawm Zuktu : Lal San Luai

Tlawng Onlai, tlawngta pawl in laamnak thawn an lawm
Zuktu : Lal San Luai

 

Comments

comments

Comments

%d bloggers like this: