“TIKULH ” Album Ka Uar Rori Ko!

TIKULH Album

TIKULH Album

Laizuun

‘Kei in ka semterih Mai Kimmy, Ting Lyan Mang, U ThanThawng (99 % band), Album producer Ngun Sui Lian ( Chin TV ) in nunnak thaw an pek … Cu pawl cu Pathian in khuakhan le remruat a si’ tiah Salai Sui Za Lian Thang @ Zunphir cun a hlaphuah mi suahkhawmnak TIKULH Hlabuk cu i sim.

 A hla pawl YouTube ah an ret pei maw tiih ka hawl rero laiah “Thinlung Hrekkhat Lawng” timi mizaan ah ka hmu ngah.. Vei thawng zakhat cu ka ngai hrihlo nan vei hra tlun ka ngai zo.. A thla thu mallai te..

‘Zithli hran mi, romei vek men ka silo,

Puanzar phen in na hnih awn theih ding ka ngam lo

Kei cun a tak in ka lo duh

Thinlung hrek khat lawng, ka duh lo

Keicun ka duhlo……’

Zunphir ih hlaphuah mi lar zetzet le Chin mino zatek 99% tluk ih uar mi ‘I Seherh Duh Hlah’, ‘Thlapi Pahnih Suah Zaan’ pawl at cilh in ka vahnak pohpoh ah ka phone thawn ngai ringring tu pa ka si. A hla pawl hi ka duh theituk ih; a hla pawl hi Album pakhat ah khum sehla tiin ka rak ruat theu. Cu ngaingai in tu ah hmindanglam leh umze nei ‘TIKULH’ timi thawn  suak ngaingai. A suak hlan ihsin ngai ka caak ih ka thinlung I lak cia..

Chin hlasak ih ka uar filor cuangce mi Solomon MRH le a naupa BJ in an sak ding tivek titi a um lawk.. Aw!!!! ka khawlvel no a kim a sihi tiah karak lunghmui nasa.. Sinan remcan lonak ruangah an sak theilo. Ka hnuk mallai a ulh.

Asinan… Santhar mino lakih an hlasak mi sunvu ngai khalih ka nin theilo mi, Mai Kimmy le Salai Ting Lyan Mang in an run sak ti ka theih kha cu… ring tuk lo in vanlam Halle… kha ka au man leuleu..

TIKULH Album a cover ih Hangbo le a hri pawl ih umzia thei dingin, a sung ih hla hmuahhmuah phuahtu Salai Zunphir hmaton thusuh cu ka baak lai. Ziang khal a sile, a mak in a dangdai ih, nunram ih haal mi, lung thin sung ih thuthup, seherhmi biazai, mangsiatnak tirehtu ding le ngairiamnak hrang ih Zunphir hlaphuah mi burkhawmnak TIKULH Album cu Chin mino hrang santhar awnmawi ARSI pakhat a si rori a si.

12021979_1071057366246903_1883179518_n

(Visited 412 times, 1 visits today)

Comments

comments

Comments

%d bloggers like this: