Tiger Wood A Rundam Aw Sal Maw Si!

Leitlun golf thawi thiambik Tiger Wood cu kan dung kum December 2009 ihsin nupasualnak ih a hminsiat ruangah golf thawi thei nawn lo in a cawl. Asinan, thla (7) ziklai a colh hnuah April 8, 2010 ihsin a thawi thok sal. Tiger Wood thiiktu le ngainaa lemlotupawl cun a thainu pom lai Elin parih a rinumlo ruangah nasa zetin an thangsiat. US ram sungih mitamsawn zikte in Tiger Wood ih thu an buaipi ih a website ah comment 11,000 lenglo an ngan ih hlei ah TV cannel tinkim ah a lang bet.

Tiger Wood hi lehnak lamih milianbik le zohtu neitambik a si; asangtu ah David Beckham a si. Hi, nupasualnak thubuai ruangah a sumpai million 61$ hnakih tam a liam ko nan a neihmi thentum ih thenkhat hman a si hrihlo. Hi a nupi thubuai ih a liammi zaten’ tui zarh April 2010 zarh khat sung master golf a thawinak dingah million 61$ hnak ih tam a hlawh sal ding thu khal a duhdawttupawl cun an phuang cia zo.

A huatu le a duhtu bolo tiah ziangtin’ hi a thainu pomlai Elin a uire san lawng siloin fala felfailo nawhcizuarpawl tiang a rak ihpinak ihsin a rundam aw sal thei ding, tiih an ruah buai rero lai ah “ka tisual a si”, “ka cangsual a si”, “ka hmin a sia ko” tiin tangdawr zet ih a phuanawk ruangah a duhdawttupawl cun a sualnak an ngaidam ih hleiah hivekih a sualsiraw ih tangdawr tak, le zawnlung zetih nunthar a neih thoksal ruangah a hminsiat hnu ih a golf thawi hmaisabikni April 8, 2010 ni ah mipi million 20 lenglo in an thlir leh sal a si.

Golf thawi zuamawknak ih zohtu nei tambik a si ih hleiah US TV ih langtambik ah a telve. US president Barack Obama ih president inauguration thucah ih mipi punkhawm kha leitlun mipakhat thu ruangih pungkhawmaw tambik tiah hminsinnak an tuahmi siarlo Tiger Wood golf thawi zohtu cu an tam bik. Cun World Cup neitabik kha leitlun mipi pungkhawm tambik tum a si tiah an hminsin bet.

(Visited 53 times, 1 visits today)

Comments

comments

3 Comments

  1. Salai Vanruah says:

    kan Khrihtian nun thawn tahtthimin zohtthim ding kan nei
    1Johan 1:9

    lungawi.

  2. Rev Run Cung Mang says:

    “Aw…a va thupi lawmmam ve … rin-umnak, rin-umnak.”

    Kan biakmi Pathian parih rin-umnak,
    Kan miphun le nunphung ih rin-umnak,
    Kan innsang: nupi-pasal parih rin-umnak,…

    Rin-umnak a um lo cun maw……………

  3. David TK Thang says:

    Hitivek ih mi hminthang (celebrity) pawl ih thu hi anmah nitlaknak ram lam ihsin kan theih ttheumi le a lamdang tuk lemlo mi thu a si in ka thei. Tahtthimnak ah, Clinton, Diana, etc pawl ih thu.

    Cuhnak ih mak ka tideuhmi thu pakhat cu, cuvek (ttangttawm, uire mawhnak) thulam ahhin ziang poisa lemlo le daan vekvek in an neih lai ah, MAWHNAK pakhat vekin an hmuh hi, mangbangza a si in ka hmu.

    Sualnak (crime) le Mawhnak (sin) hi kan thupitter daan a bang-aw lo khop mai in ka thei. Biaknak lam deuh in cun Sual hnakin Mawh hi thupi deuh ah an ret in ka thei. Tahtthimnak ah, nuncan ziaza lam cu hell ram tla cih ding vekin an sim ttheu nan, Pathian hmin ih mi bum, kawhhran tangka a si lo zawng ih hman, tvp hi ziang khal an poisa lo lala.

    Cumi thawn kalhkeh-aw zet in, Secular asilole Acozah lam pawl in le Mawh hi thupi zet in daan an taat nan, Sual hi cu tluk in an poisa lemlo lala in ka thei. Acozah lole company pakhat in tangka thuhla ah cun piakhat hman a si lo zawngin hman a theih hrimhrim lo, asinain nuncan ziaza lam (zu in, kuakfawh, nunau lam ih buai, tvp) ahcun ziang an poi sa lo lala.

    Curuangah, hi Tiger Wood ih thu thawn pehpar in, nitlaknak ram pawl teh mawhnak (sin) thawn pehper in an philosophy an thlengh teh a si na hlaam, ti’n keimah te’n ka ruat phah rero.

Comments

%d bloggers like this: