Tibet Tlunih Tuluk Policy Thleng Tum Hrih Lo

Nov 17, 2012, 05.55 AM IST

Tuluk uktu president thlengawk caan ah Tuluk in Tibet tlunah ziangvek policy an hmang ding ti hi mi tampi ih thei duhmi a rak si. Political Bureau member 25, Standing Committee member 7 lakah Muslim, Tibet asilole Hui tivek mi malte pawl cu an tel ban ve lo. Ramṭhenpi 8 lakah Muslim pawl le Tibet pawl an tel ve lo.

Beijing acozah ih simdan ahcun Tibet pawl le Xinjiang ramṭhen ih um Uyghur Mulim pawl hi an bang-aw loih, ukawkdan khal a har. Xinjiang hi Han (ukawknak hmun) ihsin ukmi a si. Xinjiang ih um Uyghur Muslim pawlin East Turkmenistan tiin zalennak an dil rero.

Atu ih acozah lubik member pawl lakah, Xi Jinping ihsin thokin, zohman cumi pawl thawn a neeltu an um loih, acozah cun United Works Department kut sungah retin zunglam ihsin control ding lawng a hmabak a si. Cuti lo Tibet pawl hrangah ahlan ih an hmangmi thotho an hmang pei maw? Atu caan tiang ahcun Tuluk cun Tibet parih an ukdan hlun kha a ṭha ko tiin mat (a hman) an pek thotho ko.

(Visited 39 times, 1 visits today)

Comments

comments

Comments

%d bloggers like this: