Thuthup Timi Cu

May 15

Tlawngkai Ninga

 

Thuthup Timi  Cu

 

Siar:

1Korin 2:6-16

 

Kei ih ka phuanmi  fimnak cu Pathian thuthup fimnak, milai  zohman ih theih lomi, leilung seem hlan ihsin Pathian in kanmai’ sunlawinak dingih a rak tumtah ciami fimnak a si.    -1Korin 2:7

 

Kumkhat Sung Baibal:

   2Siangpahrang 22-23

          Johan 4:31-54

 

Rhonda Byrne ih nganmi The Secret cu zuar khongh tambikmi cabu a si. A nganmi cu: Na duhmi thil ziangkhal a olsambik ih ngah thei daan le atu lungawi in um aw” ti a si. A sim duhmi cu na lung lo awi tertu thil pawl lawng na ruat ahcun lungawinak thil pawl in an lo hip ding. A olzet a bang.

           

Baibal ih simmi nunnak thuthup thawn cu an dang awzet. Baibal ih nunnak thuthup cu “Khrih Jesuh thawn pehzom awknak thawngin nunnak in petu Thlarau ih daan in sualnak le thihnak daan sung ihsin in luatter zo” (Rom 8:2) ti a si.

           

Paul in a thupibik theih dingmi cu Khrih le thinglamtah parih a thihnak thu a si (1 Kor 2:2) a ti. Atu caan tawite sung hrang lungawinak lawng ruah cu aat hna a si a ti (c.14). Pathian ih huham cahnak an pom lo ih annih hrang ahcun thulolak men a si.

           

Bawipa in thuthup theih duh hiarnak thawn in sersiam. Pathian thuthup fimnak cu caan rei nawn thuh a si (c. 7). Asinan atu ahcun Thlarau Thianghlim thawngin phuan a si zo. A phuansuahmi thuthup cu lungawinak co dingah lungawitertu  thil pawl  ruahnak in a si lo, Jesuh Khrih thinlung neihnak in a si (c.16).

           

 

In luattertu daan a um,

Cuih thu cu Rom 8 sungin theihmi a si;

Cuih thuthup cu Pathian thawn nun tlang le,

Nitin a Thu ah hngohsan a si.

 

Rei-awh lungawinak thu thei dingah Jesuh kan theih fiang a ttul.

(Visited 21 times, 1 visits today)

Comments

comments

Comments

%d bloggers like this: