Thuthangttha Sim Ding Ni

May 26

Tlawngkai Nithum

Thuthangtha Sim Ding Ni

Siar:

2 Siangpahrang 7:3-11

Hiti ih kan tuahmi hi thil dik a si lo. Thuthangttha kan nei a si ih kanmai’ hrang lawng ah siseh ti ding a si lo.    -2 Siang. 7:9

Kumkhat Sung Baibal:

–   1 Sansiarnak 28-29

–   Johan 9:24-41

Australia ram mi ka rualpa Graham cu suahkeh ih mit-caw a si lo. A kum (9) lai ih a khawnden awknak ruangah a mit a caw. Sihmansehla riahsia in a um dah lo. A fehnak kipah Jesuh hi a hrangah ziangvek a si, ti thu mi hnenah a sim ringring. A netabik ih a khualtlawnnak Thailand ram ahcun a mihmet thiamnak hmangin a um hlei ah mikip hnenah thuthangttha a sim vingvo.

2 Siangpahrang 7 sungah miphar pali pawl in thuthangttha an sim ti kan hmu. Siria raalkap pawl riahnak hmun ah an va feh ih zianghman laak loin an taantami thilri le rawl pawl an va hmu. Ti le rawl an ei hnu ah sui, ngun le thilri pawl an laak. Cuih hnu ah Siria raalkap pawl in an kulh ruangah rawl ei ding nei loin a harsami Samaria khua sung mi pawl an vun mang saal ih, “Hiti ih kan tuahmi hi thil dik a si lo. Thuthangttha kan nei a si ih kanmai’ hrang lawngah siseh ti ding a si lo,” (c.9) tiah an ti aw. An feh ih an miphunpi Israel pawl kha an va sim.

Graham le hih miphar pawl hi tisa lam daan ahcun mi bang lo le mi nauta an si nain midang zawn an ruat thei. An hmuhtonmi thil parah lungawi an thiam ih anmah hrang lawngah ret awk ding an siang lo.

Jesuh in ziang a tuah, ti theih a ttulzettu na thei maw? Thiltitheinak na neih lo ruangah phuahlam hawl hlah aw. Jesuh in na hrangah ziang a tuah? timi thuthangttha sim awla tumtahnak thar in na nunnak a lo hruai ding. – C.P. Hia

Bawipa, nun pehnak dingih rinmi si dingin in bawm aw.

A thi cuahcomi tuih sun leilungpi hrangah;

Ruahsannak nei lo pawl hrangah ruahsannak kengtu,

Jesuh cu lamzin a si thu sim hngai dingin. – Sper

Kan neihmi parah lungawi kan thiam asile

midang khal hlawm ve kan duh ding.

Comments

comments

Comments

%d bloggers like this: