Thuthang Zohfelnak Khirhkhan Leh

Irrawaddy | January 23

Thuthangca Zuartu In thuthangca Zuar Lai

Kawlram cozah cun ram a remthat vivo theinak ding in hmalaknak tamzet a nei vivo ih ram dang pawl khal in Kawlram cu a that ngaingai an zum rero lai ah Kawlram cozah cun thuthangca zohfelnak lam ah daan lo vek in thuthang thenkhat cu thuthangca ih tarlan a sian nawn lo thu ramsung thuthangca in a tarlang.

Kawlram cozah ih thuthangca zohfeltu ding in tuanvo a pekmi pawl cun January 19, tlawngkaini li ihsin ramsung thuthangca pawlah thuthang zalen zet ih tarlan an siang nawn lo a si. Shew-ngiah-wa sayadaw ih thuhla khal tarlan a sian loh ihhleiah 88 generation tlawngta pawl in thuthanglatu pawl kawmnak an neih thu pawl khal kimcang ih tarlan a siang lo.

Kawlram cozah cun ram thuhla relnak siseh cozah thuneitu pawl ih thuhla khal thuthangca ih tarlan a siang nawn lo ih Shew-wa-ngia sayadaw ih thuhla ah khal cozah cun thuthangca talwreltu pawl cu tarlang lo ding in a sim.

“Sayadaw thuhla cu thuthangca zohfeltu pawl hnenah zohfel ding in pek a si maw si lo maw thuthangca le magazine ah nan nam in nan tarlang lo pei.” tiah Buhmu Tin Shew in a rel. “Thuthangca ah siseh magazine ah siseh tarlan a si ahcun ziang tivek ih hrem an si ding ti cu a rel tel lo nan thuthanglatu le magazine tawlreltu pawl cun thuthangca le magazine ah an tarlang ngam lo. Hremnk cu kan tih cio a bang. Thuthang zohfeltu pawl cun thuthangca lam thuah zalennak in rak pe nan tu’itum ih an khoh leh dan kan zoh ah cun tlun lam ihsin an fial a si ding.” tiah  ramsung thuthangca pakhat ih editor pakhat cun a rel.

“ 88 generation tlawngta pawl cun Suu Kyi an tan thu le an party thawn an tanrual tum thu pawl cu thuthangca ah tarlan an siang nan 88 generation tlawngta pawl in tlawngta remthatawknak lam, remthukhel ruangih thawngtla taktak an um thu le shew-uh-dawng le arsi thantar hrangih hman a si ding mi pawl cipciar ih an relmi pawl tarlan a siang lo. Cule, Kawlram cozah le hriamhrei keng pawl lak ih remnak a um ngaingai theilonak san cu cozah ih remnak an duh taktak lo ruangah le ram remthat an duh ngaingai lo ruangah asi thu an relmi pawl khal tarlan an sianglo.” tiah a rel bet.

Tu dinhmun ahcun Kawlram cozah ih thuthangca a zohfel dan ah thuthangca tawlreltu pawl cun theihthiam har an ti ih Kawlram cu a rem tha aw ngaingai lo ti fiang zet in pholangnak khal a si.

(Visited 34 times, 1 visits today)

Comments

comments

Comments

%d bloggers like this: