Thuthang dang

Bush ih fanu Jenna Bush in pasal nei ding
US President George W Bush ih fanu Jenna le Henry Hagar cu May 10 ah Texas ah nei aw ding in an lungkim zo. Jenna nu Lara Bush in a fanu le a pasal ding Henry thawi hamawknak an rak nei zo thu kan dungkum August 2007 ah khan a rak phuang zo.
Apasal ding Hagar 29 hi, Richmond Virginia ih um a si’h a tu ah Virginia University ah Bussiness subject zirin a final kum a kai rero lai. Jenna26 cu tlawng sayamah le UN Children Agency a tuan lai ih etah “Ana”‘s story, A journey of Hope le cabu dang dang ngantu pakhat a si. A tu ah a nu Laura thawn cabu an ngan rero lai.

++++++++++++++++++++++++++++++

Malaysia saya in Hindu tlawngta hmurhmul meh ding in fial

Malaysia Muslim tamsawn um nak ram ih saya cun a tlawngta lakih Hindu mi (6) pawlih an hmurhmul le an khaabeh hmul an biaknak hrangih an serhsang mi cu met faiding in nautat nawn in a fial thu thuthang in a ngan.

Education Director Husseain Harun cun Perak state lam ih hmurhmul ziahfai ding daan an tuah thu pawl khal cu a rel nan, a tui tlawngta mi 6 thuhla ahcun a tan lo tariai. “An biaknak le an hnam daan ih mawilo zetih na cang ruangah ngaihthiam na si lo ding” tin a ti.

++++++++++++++++++++++++++++++

Nunau in leitlun uk vivo
Mipa lawng thuneitu ding an silo nunau khalin thu an nei thei ve timi hin vei tampi elawknak khal a suah ter. Atui san Leitlun thanso cun nunau pawlin mipa pawl an uk tan rero tin zingzawngtu pawlin an phuang thlang. Internet ih vote thlaknak le interview thusuhnakah zatek za’h 52% pawl cun nunau pawl ih thuneinak a sangsawn le an lal sawn thu an sim. Mipa 2000 laicun nunau le mipa ih thilti thei dan an bangran aw zo tin an sim ve.

++++++++++++++++++++++++++++++

Britney in a pu thin kekkuai ter
Leitlun hlasak thiam hminthang Britney Spear cu a nungcang a tha lo sin sin, pal a duhduh in a then, a lu a met kawlh, nu ding khalah a tlak lo ih rittheih thil khal a tham vivo tin Magazine ah an ngan. An sungkua buainak ah a enkawltu pu bikih a thin a ti hengih a pu ih daite a zawi e theu mi cu tuarnawn lo in a thinlung a kek terih Britney ih um dan mawilo pawl a sim. A simnak ahcun “Britney hi kum 13 a si ah zu a in tan ih kum 14 a siin sii vai lam hmang in a duhduh in a nungih kum 18 a kim ihsi cun a mai thu lo in a nung duh nawn lo, thusim tinten a duhlonak a ti lang ring ring tin a pu cun a phuang ta riai

++++++++++++++++++++++++++++++

Comments

comments

Comments

%d bloggers like this: