Thutak Asilole A Palh?

October 29

Tlawngkai Ninga

Thutak Asilole A Palh?

Siar:

2 Timote 3:14-17

A hnatuan a zahpi lotu le Pathian thutak Thuthangttha cu dikzet ih a simfiangtu si dingah Pathian lungkimnak ngah dingin zuam aw.   – 2 Timote 2:15

Kumkhat Sung Baibal:

–   Jeremiah 18-19

2 Timote 3

Steve cu a hnattuanpi pawl hnenah Pathian thu a sim ttheu. Asinan Bible sung taa a laak ih a sim asile, “Um hrih, minung ih nganmi a si ih cabu dang bangin a palhmi tampi a um” tiah an ti ttheu.

A tanglam ih editor hnen cakuatmi sungah cuvek ruahnak a nei: “Zumtu pawl in Bible cu a palh thei lo tiah an sim. Hmanseh science thuthang ih minung nganmi thu hnakin a palh thei lo tinak thu ka hmu lo,” tiah an ngan.

Ca Thianghlim cu a palh thei, milai ih nganmi a si ti’n olte’n an hnon tikah ziangti’n kan let? Mi tampi cu Bible thiamnak kan nei lo ruangah kan let thei lo tla a si men ding. Asinan vei tampi kan siar ahcun (2Tim.3:15) Bible cu Pathian ih thawtkhummi a si ti kan thei fiang ding (c.16). Curuangah rin tlak a si.

Thutthimnak ah, Bible hi kum 1600 hnak ih tam caan sungah milai 40 in cabu uk 66 an ngan. Thukam Hlun uk 39 le Thukam Thar uk 27 an ngan karlak ah kum 400 sung hi ngan loin an um. Sihmansehla, Seemtirnak ihsin Thuphuan tiang hi a bang awmi thuanthu pakhat a si.

Zumnak in kan cohlang a si ahcun Bible hi a dik rori a si tiih hmuh fiang theinak thuhla tampi a um. Curuangah lungawinak thinlung thawn Pathian Ttongkam cu taimazet in kan siar, kan zirzoi pei ih kan theihmi Thutak cu midang pawl hnenah tla ngamzet in kan simsin cio pei!   – Anne Cetas

Bible cu kumkhua a hmun ding,

Leilung a cem hnu tiangin;

Pathian ih thawtkhummi a si,

A Thukham pawl ka thlun ttheh ding. – Lillenas

Rintlak lo thu hlir ih a khatmi hih leitlun ahhin

a hmunmi Pathian Ttongkam lawng kan rinsan thei.

(Visited 23 times, 1 visits today)

Comments

comments

Comments

%d bloggers like this: