Thusuhnak Pahnih

June 16
Zarhte Ni

Thusuhnak Pahnih

Bible Siar Ding: Suah. 3:1-14

Pathian in Bawipa hnenah, “Keimah cu BAWIPA ka si.”
– Suah. 6:2

A alh rero nai’n a kaang ngaingai lomi hrambur hmangin Pathian in Moses hnenah Amah le amah a phuanglang aw ih Israel mi pawl Egypt sal sung ihsin ruunsuaktu dingah Moses a hman duh thu a sim. Asinan, Moses in thusuhnak mallai a nei.

Moses ih a hmaisabik thusuhnak cu, “Kei cu zo ka si?” timi a si (Suah. 3:11). Pathian in cuih thusuhnak cu direct in a let lo. Moses ziang a si timi hi a thupimi a si lo, ziangahtile Pathian cu a hnenih a um ding ruangah a si. Phundang in kan sim asile, “Moses, cumi cu nangmai’ thuanthu a si lopi!” tican a si.

Moses ih a pahnihnak thusuh cu, a ralttha sinsin. “Pathian ih Hmin cu zo a si?” timi a si. Ziangahtile a liam ciami kum zali lai ah, Israel mi pawl cu pathian zakhat lenglo a biaktu ram le miphun lakih um an si. Ziangti’n so cuvek dinhmun ih a dingtu a miphun hnenah pathian dang thu cu a sim thei ding? Sikhalsehla, a hnenih thusimtu Pathian cun, “Kemah cu Bawipa (Yahweh) ka si” a ti. A nungmi thutak Pathian cu Sersiamtu le a thianghlimmi, mi pakhatkhat asilole thil pakhatkhat parah hngatsantu a si lo.

Bawipa Pathian lawng hi biak ding a si. Sikhalsehla, Israel mi pawl in zuk an biak vekin tuni zumtu pawl in tla kan tuah ve ttheu a si. Kan biakmi zuk pawl cu sui le ngun ih tuahmi milem pawl cu an si lo. Cupawl cu thil ttha an si thei: kan nupi/pasal, fahniang pawl, hnattuan, lehnak asilole paihzawng, asilole ministry tla a si thei. Pathian thuthlun lonak asilole hnonnak ah in hruaitu thil ziangkim hi kan hrangah milem an si.

A Maksakmi “Keimah (I AM)” cu zianghman in an zuam thei lo ding, ziangahtile a hramthok ihsin a umzo mi a si. Kan nunnak sungah Pathian pakhat hrang lawng umnak hmun a um. Amah cu Bawipa a si ih, a hmin cu Yahweh a si.

Yahweh Pathian, Nangmah lawng ka nunnak ih a pakhatnak ah na um,
Khui ahso Nangmah lo zuamtu an um ding ti i hmuhter aw.

Ka nunnak ah Yahweh hnakih bawisawn an um thei ding maw?
A um thei ding a si ahcun ziangahso nun thlengh a ttul rero?

@ Ava Pennington

(Visited 29 times, 1 visits today)

Comments

comments

Comments

%d bloggers like this: