Thuruat Thukmi Khristian

September 17

Tlawngkai Nili

 

Thuruat Thukmi Khristian

 

Siar:

2 Korin 10:1-11

 

Pathian kan theihnak dingah puarthaunak thawn an dawlmi khamtu hmuahhmuah kan bal ttheh; minung ih ruahnak cu sal bangin kan kai ih Khrih thungaitu ah kan canter.    – 2 Kor.10:5

 

Kumkhat Sung Baibal:

–   Thufim 27-29

–   2Korin 10

 

American ram dintu pa le pawl lakah le hmaisalam ih president ttuantu pawl lakah pakhat a si ve mi John Adams ih thu David McCulllough ih a nganmi sungah, “A pumpezet mi Khristian khal a si ih zalenzet ih thuruattu khal a si. Cule hih thil pahnih hi kalh aw in a hmu lo,” a ti. Himi in ka thin i khoihzet, ziangahtile mangbangza hminsinnak thu a si. Khristian pawl cu thu theih ban lonak ihsin a luat hrih lomi le mih thu zum ol pawl an si tiih ruah mi an silai ah “thuruat thukmi Khristian” timi thawn cu a kalh awk ruangah a si.

 

Thutak thawn a hlat awmi zianghman a um lo. Paul in, “Cuti cun minung ih ruah ban lomi Pathian ih daihnak in nan thinlung le nan ruahnak cu Khrih Jesuh thawn nan pehzom awknak thawngin himte in a ret ding,” a ti (Filipi 4;7). Fiangzet ih thuruahnak, theihthiamnak le fimnak thawn pehpar in, “Pathian kan theihnak dingah puarthaunak thawn an dawlmi khamtu hmuahhmuah kan bal ttheh; minung ih ruahnak cu sal bangin kan kai ih Khrih thungaitu ah kan canter,” a ti (2 Kor.10:5).

 

Thu el awknak pakhat fimkhurzet ih cekfel, Pathian Thu fiangzet ih theih le pom, kan khuaruahnak kha Jesuh Khrih ih lungput thawn mil awkter timi pawl hi Jesuh kan phuanlangnak dingah leitlun kan nunlai ah a man a khungzetmi thiamnak pawl an si. Khristian zate in thuruat thuk khristian kan si ding a thupi. Nang teh na si ve maw?

 

Pathian Ttongkam ih thuthuk na kaih ngah ahcun,

Cumi  sungin thuruah daan na zir ngah ahcun;

Khristian zumnak cu na kilhim thei ding,

A fiangmi le a dikmi fimnak ttongkam pawl thawn.

 

Thleidan theinak nei thuruat thuktu si aw,

thuruat cuca lo zumtu va si hlah.

(Visited 25 times, 1 visits today)

Comments

comments

Comments

%d bloggers like this: