Thura U Shwe Mann in Chin Mipi Tong; Mipi in Bomnak Sumpai Ngah

1424582_619825014741453_2112905907_nRamdingkhawm Tlangsuakbu Hohatu, Rammipi Tlangsuakbu Hotu Thura U Shwe Mann cu November 17 ah Tedim le Tonzang peng ih tualsung mipipawl thawn siseh, November 18 ah Hakha, Falam le Thantlang peng ih tualsung mipipawl thawn siseh, tonkhawmawknak an nei tiah kan thei.

November 17 zianglam suimilam 9 ah Tedim khawpi, Kamhau Hall ah Tedim le Tonzang peng tualsung mipi thawi’ tong aw in Tlangsuakbu in rammipi hrangih hna a tuandan pawl simfiangnak a neih hnu ah, tualsung mipi lam in thu an sut mi pawl sonsalnak a nei. Himi ttum ah Phunpi Tlangsuakbu (Amyotha Hluttaw) Runsuahnaklam le Harsapawl Bombawinak Kawmitti Hotu Dr. Khin Shwe in Tedim le Tonzang peng sungih tlawmngainak thawi’ mahte dinsuah mi tlawnginnpawl hrangah bomnak sumpai kyat ting 100 cio pekhlannak a nei.

November 18 zanlam suimilam 2 ah Hakha khawpi ih Khawpi Hall ah Hakha, Falam le Thantlang peng mipipawl thawi’ tonkhawmnak a nei leh ih, Tlangsuakbu ih hnatuandan pawl simfiangnak thucah a neih hnu ah mipi thusuahnakpawl khal a pehpar mi tuanvo neitupawl le Ramdingkhawm Tlangsuakbu Hohatu, le Ramkulh Tlangbawipi in relpinak an nei. Himi ttum khal ah Phunpi Tlangsuakbu Runsuahnaklam le Harsapawl Bombawinak Kawmitti Hotu Dr. Khin Shwe cun Chin ramkulh sungih tlawmngainak thawi’ mahte dinsuah mi tlawngpawl hrangah bomnak sumpai kyat ting 100 cio, Falam peng sungih leimin ruangah harsatnak a tongtu innsangpawl hrangah bomnak sumpai kyat ting 133, le Ramri Zeizok Tlangbawizung (နယ္စပ္ေရးရာဝန္ႀကီးဌာန) in Chin ramkulh ih khawtelam thansohnak hrangah bomnak sumpai kyat ting 500 pekhlannak an nei tiah kan thei.

Ref: The Mirror, November 19, 2013.

Comments

comments

Comments

%d bloggers like this: