Thupitnak

November 13

Zarhte Ni

Thupitnak

Siar:

Saam 139:1-16

Seemsuah dingah ka ruangrai na zing ih, ka nu ih pum sungah ka thii le ka sa pehcih ka silai ah, a thupte in cutawk ih ka tthan rerolai ahkhan, i hmu tthehtu cu Nangmah na si.    – Saam 139:15

Kumkhat Sung Baibal:

–   Ttah Hla 1-2

–   Hebru 10:1-18

TV program hlun pakhat ah nitinte ih thapetu pawl a keel ringring an si ruangih a hlawhtlingmi hnattuannak pakhat ih thuhla an langter. A thu um daan cu mi  pawl lungawi sopar teih rak hmuahnak hmun a si ih, “Mi hmuahhmuah in na hmin an lo theihnak” hi na hlawhtlinnak thuthup a si.

Kan zate in mikip ih cohlan mi, hmun pakhat hrangih tthahnem santlai mi si ding kan duh cio. Asinan mi hrekkhat cu mi ih thupitter lo le zohman ih ngaihsak lo mi vekin an ruat aw. Nauhak pawl in cuti’n an thei aw tam ttheu. Nauhak dang pawl hnak in saangtuk, thautuk, thiamtuk tivekin, midang thawn tthim awk ding um loin an thei aw ttheu. Mi hnakih danglamtuk cuang si cu nauhak hrang ahcun zomtaih tuarnak asilole mi puarthau sinak ah a suahter. Asinan upa hrang ahcun mi ih ngaih sak lo an hlawh thei ruangah thupi lo vekin an ruat aw ttheu.

Asinan Pathian mit-hmuh ah ziangtluk thupitnak kan nei! Kan nunnak hi man in neihtertuk ruangah Amah thawn pawlkom awknak nei thei dingin kan sualman leiba  pek saktu dingah A Fapa a run thlah. Pathian ih hmuihmel keng in le Amah bang ih sersiammi kan si (Seem. 1:27). Kan suahhlan ihsin kan nuntu khawsak daan ding a nepnawi tiang in a ruangzing ciami kan si (Saam 139:1-16). Kanmah le kanmah mi thupizet ka si ti’n kan ruat awk thei ah siseh, kan ruat awk thei lo ah siseh, kan Pa Pathian in thukzet ih a duhdawtmi kan si.  – Cindy Hess Kasper

Sersiammi mankhung lakah,

Milai hnakih man neimi an um lo;

Pathian hmuihmel keng ih tuahmi kan si,

A tumtah tumpi sungih hmun pakhat luah dingin. – D. De Haan

Tlolakpi a sersiamtu Pathian cu a lo duhdawttu Pathian a si.

(Visited 40 times, 1 visits today)

Comments

comments

Comments

%d bloggers like this: