Thuphan Veikhat Sim Sankhuk A Daih Maw?

Regret-Free

Thuphan veikhat na sim asile, relmawinak dingah veizaa hnakih tam na ṭong a ṭuul timi thudik ah ka pom. Tuini tiang, ka suah nithla (DOB) diklo (thuphan) ih ka sim ruangah form fill up tinte’n, office ih ka pekmi, ka suahni thla vekin maw, ka suah ni thla ngaingai tiin ka sutaw ṭheu.

Cutin, thuphan veikhat te ka rak sim ngah ruangah mi pakhat lawng ka si thei nawnlo, pahnih vekin ka thuhla a ṭhen aw. Ka hmin ngaingai, Ka suahni thla ngaingai, ka nulepa ngaingai le ka thuanthu ngaingai tiin a dangte’n ka nei.

Thuphan veikhat ka simmi hin, sankhuk a daih thei ding a bang. Office hnaṭuanpawl cu ka bum thei ṭheu ko nan ka thinlung i thei ngaingaitu hi cu ka buum thei dah remrem lo. Ka sinak ngaingai a theitu ka thinlung lala hin nitin I mawhthluk. Asinan, “Thuphan-per Pa” tiih kawh cu ka duh ve ce lo.

Thuphan ka rak simnaksan a um ruangah tiin keimah le keimah thiam ka co awk. Ka hnemaw zungzal. Asinan, ka sinak ngaingai asilo mi, ka thuhla, ka thuanthu hi cun ka thinlung a tibuai ringring ko. Keimah le keimah rinsanawklonak tiang I thlen thei vivo ding a bang!

(Visited 161 times, 1 visits today)

Comments

comments

Comments

%d bloggers like this: