Thupek Thar Sungah

February 26

Tlawngkai Ninga

Thupek Thar Sungah

Siar:

Daanpeksaalnak 6:1-9

Jesuh in, “Bawipa na Pathian cu na thinlung zate, na nunnak zate le na ruahnak zate in na duhdawt pei” a ti. – Matthai 22:37

Kumkhat Sung aibal:

–   Mipumsiarnak 15-16

–   Marka 6:1-29

Herman Wouk in Leitlun Raalpi veihnihnak (W0rld War II) ih thuanthu “The Cain Mutiny” cabu a nganmi ah, “Mi pakhat Pathian thluntu a can tikah ziang a cang,” ti a si.

Cuih thuanthu sungah tahtthimnak hmang in a sim fiang. Uktu innsang pakhat ihsin tlangval pakhat Navy timi ti raalkap ah a lut dingin a hmin a pe. A nu le pa cu mi tampi ih theihmi an si. Navy ih a luh ni ah a nu in mawttaw tthazet thawn a thlah ih dam te’n tiah a hnam ta. Sangka kiltu in a kut in a hruai ih innsung an lut hnu ah sangka an khar.

A nu in tangka a daih aw lo pang ding ti a phang lohli ih sangkalam ah zamrang te’n a feh. Asinan sangka kiltu pa in luh a siang lo. Sangka sunglam ah a fapa a dingmi a hmuh tikah sangka onnak a va kai ih “Ka fapa a si,” tiah au phah in a ttap. Sangka kiltu pa in sangka onnak bol parih a kut neem te’n a phoih sak ih aw neem te’n, “Ka thei bawinu, asinan atu cu Sam ih ta, long hnattuantu a si zo,” a ti.

Jesuh Khrih kan zum ih a dungthluntu kan can tikah a thuneihnak thar hnuai ah kan um.  Atu cu Amai’ taa kan si, thupek thar thlun ding kan si. Kan hrangah a thupi ih kan rak ruahmi pawl an thupitnak a hlo ttheh. Phundang in thu kan ruat. Kan lungduh thar cu kan thinlung zate thawn Bawipa duhdawt ding le rian ding a si (Daan. 6:5-6). A lo pekmi dinhmun na co ngah maw?

Jesuh ka Bawipa in kumkhua i duh ding,

Amah hnen in Satan cahnak in in tthen thei lo;

Ka thlarau tlen ding a nunnak a pek,

Amah taa ka si zo.

Jesuh thluntu pawl cu an fehnak thupek Amah hnen in an ngah.

(Visited 24 times, 1 visits today)

Comments

comments

Comments

%d bloggers like this: