Thungainak Ih Zir Dingmi pawl

July 27

Tlawngkai Nihnih 

Thungainak Ih Zir Dingmi pawl 

Siar:

1 Johan 2:1-11 

Ziangahtile Pathian kan duhdawt ti cu a thupekmi kan thlun tinak a si. A thupekmi cu kan hrangah thlun har a si lo.   1 Johan 5:3 

Kumkhat Sung Baibal:

–   Saam 43:45

–   Tirhthlah 27:27-44 

Kofi nauhak te cu Sunday School a kai tthehhnu inn a ra tlun tikah, a nu in tuih zing teh ziang thu nan zir? tiah thu a sut. Kofi cun zamrangzet le aw ringzet in, “Thungainak…kan zir lala!” a ti. 

Kei cu nauhak pa Kofi hnakin kum tampi ka upa zo nain Pathain ih thungainak (obedience to God) timi hi ka zir ttul tengtengmi, a caancaan ahcun tthuktthun phah in atu le atu ka zir ttulmi a si ti’n ka lung a kimpizet.      

Oswald Chamber in, “Bawipa in thlun dingmi daan i pek lo, asinan Amah in a sinak fiangzet in i theihter. Amah ka duhdawt a si ahcun A simmi vekin ka tuah ding, ka tuah lo asile Amah thawn bangrep ih ka retmi ka duh sawn tinak a si, cumi cu keimah a si,” tiah a ngan.           

A thu kan ngai ahcun kanmah le kanmah hnakin Pathian kha kan duh sawn ding le Amah kan zumnak tthanglianter ding kan si. Arthur W. Pink in duhdawtnak cu, “cangvaihnak pakhat a si ih amahte in a cang …. kan duhdawt mi thinnuam dingih kan tuah sak khi a si,” tiah a sim. Pathian ih thungai timi cu kan duhmi taanta in Amah ih simmi tuah khi a si. 

Pathian in zumtu pawl cu a thungaitu si dingah a duh ih, Jesuh khal in thungainak hi thupizet ah a ret. “Ziangahso Bawipa, Bawipa tiah in ko ih ka simmi vekin nan tuah fawn lo? (Luka 6:46), Keimah in duhdawt a si ahcun, Ka thukham thlun uh” (John 14:15)  tiah in ti.   -Cindy Hess Kasper 

Jesuh Khrih dung kan thlun kan ti,

Amai’ thu hman ngai tum loin;

Amah in zumnak kan neih lo daan a thei,

A dikmi lamzin ah in hruai ding.    – Sper 

Pathian ih thuthlunnak timi cu

Pathian kan duhdawt zia langternak a si.

Comments

comments

Comments

%d bloggers like this: