‘Thukham Pahra’ Copy Upabik Cu Israel Museum Ah Mipi Hmaiah Pholang A Si Ding

11195299_919189924810985_1736195083_nLal Ruat Thang

Minung san thuahthu ih rak tuah dah kellomi, famkim zetih copy mi Thukham Pahra copy upabik(hlunbik) cu Israel ramih museum ah vantlang hmaiah pholang a si thlang ding.

Hi thil pholangnak ah hin tui’hlan kum million 1 laiih sai pelnak ih an rak hmanmi bungrua le Albert Einstein ih a kut thaw rori ih a rak nganmi ‘groundbreaking theory of relativity’ caphekpawl khal mipi zoh theih in pholang a si ding.

Kum 2000 ih upami hi Thukham Pahra copy hi bible thawi’ pehparawmi hlan thilri sarsuahmi ropi 14 lakih pakhat a si ih Jerusalem nisuahnak lamih um ‘tipi thi’ kiangah kan bible bu tthenkhatpawl thawi’ rak sarsuahmi a si.

Asinan hi cazual hi Israel ram Jerusalem khawpi Museum ah kaar hnih sung lawng pholang a si ding ih cumi hnuah siat theilo ding ih an retnak hmunah ret kir lohli saal a si ding.

Hi thil pholangnak ah hin nunphung cangvaihdaan thawi’ pehparawmi tui’ hlan kum 800,000 ih ta, meisa thawi’ urkangmi minung ruhro le hlan minungpawlih lo hnattuannak ih an rak hmanmi favah kum 9,000 ih upami khal a tel ding.

Tui’hlan kum 5,000 ih an rak hmanmi ca ngannak lungphek, Mesopotemia ramih ta loan thawi’ an sanmi le Turkey ramih ta an sanmi kum 2,700 ih upami thir tangka pawl tla hi pholangnak ah an tel ding.

Israel ram cun a Museum kum 50 kim lomnak ah a khawpi Jerusalem ih hitiih a hlawn thilri neihmi pholang ding ih nasatak ih a timtuahnak a si. Hi hlawn thilripawl hi Israel Ramah tuihlan liangluangah rak pholang a si dahlo ih vei hnih khat te lawng ramdang ah rak pholang hruak a si, ti ah Israel ramih hlawn thilri kilhimnak lamih thuneitu Pnina Shor in a sim. An director James Snyder khalin ” kum 50 a rei hnuah, hlawn thilri le an thuanthupawl a relkaubik theitu leitlun museum malte lakah kannih hi kan si ve ding” ti ah a sim.

Hrm-mail online

(Visited 314 times, 1 visits today)

Comments

comments

Comments

%d bloggers like this: