Thukammi kimte’n

Siar: Matthai 1:18-25

Amah in Fapa a hring dingih A hmin ah Jesuh tiah na sak pei.
Ziangahtile A minung pawl an sualnak ihsin a ruun suak ding a si,” tiah a ti.Matthai 1:21

Baseball lek tikcu lo caan ah manager pawl le coach pawl cu a ralai dingmi leh zuam awknak ding hrangah lek thiam mi an hawl cia ttheu. Asinan keimah bangin Chicago club ttantu na si le zianghman a danglam cuang lo ding ti’n na ruat ve ding. Ziangahtile kum tampi champion kan ngah dah lo. Curuangah club ih mithar an laak mipa in kan neh ding a timi cu zum ding a um thei lo. Thuthangca simfiangnak ah “kan neh ding” a ti. Zum theih a si lo. A tuah thei lo dingmi thukamnak tuah vek khi a bang.

Jesuh san ih a hraangzetmi Rome acozah ih kut hnuai ih um Judah miphun pawl in an sualnak ngaithiam in anmah rundamtu ding le Israel miphun sunlawinak peek saktu ding ka run thlah ding tiah Pathian ih thu a kammi cu an rak zum thei lo (Isaiah 1:26; 53:12, 61).

Pathian in dunglam kum reipi ah thu a rak kam zo nain kum 400 sung rori ziang thuhla hman thei loin an um. Sikhalsehla, a tikcu caan a kim tikah vancungmi in Joseph hnenah, Mary in Fapa a hring dingih “A minung pawl an sualnak ihsin a ruun ding” (Matt. 1:21) tiah a sim.

Christmas in, Pathian cu A Thukam bangin a tuahtu rintlak Pathian nung a sizia in hmuh a si. Amah in Runtu ka thlah ding a ti ih a thlah taktak. Na sualnak cu hih thukamnak ih ban thei lomi a si lo. Amah cun nan sualnak a zate’n lo ngaidam dingah raalring in a lo hngak ringring.

Bawipa a ttum, nan lungawi uh,

Siangpahrang a si ding;

Nan lung rem uh, A umnak ding,

Lei le van hlasak uh.

Pathian cu A thukam bangin a tuah tengteng, na ring thei.

(Visited 21 times, 1 visits today)

Comments

comments

Comments

%d bloggers like this: