Thukam Thar

March 7
Tlawngkai Nithum

Thukam Thar

“Hih hai cu nan hrangah ka thletmi ka thiisen thawn nemhngetmi Pathian Thukam Thar a si. – Luka 22:20

Bible Siar Ding: 2 Korin 3:3-18

Israel mi pawl in Moses cu nasazet in an mawhsiat. Buainak an tuah ringring. Sikhalsehla Moses cu tlang parah a hung kai, Pathian sunlawinak a phuang aw ih Thukham Pahra a rak pek. A lungawituk, a mit-hmai cu sunlawinak thawn a tleu thluh, ih Thukham Pahra hminsinnak lungpheng pahnih keng in tlang par ihsin a vung ttum. A kenmi cu Israel mi pawl in an zum asile nunnak an ngah theinak dingah a si.

Ka Bawipa van ihsin a rung ttum ding thu ka ruat. Moses ih kenmi Thukham Pahra cu a sunglawizet na’n Jesuh ih Nunnak Thlarau run ken dingmi thawn tahtthim cun zianghman a si lo ding. Sinai tlang ih sunlawinak cu Pentecost ni ih sunlawinak hmai ahcun a mal thluh. Bawipa in a thukam thar a run kenmi cu kan khuaruahnak sungah a ret dingih kan thinlung sungah a ngan ding (Jer. 31:33) – hih daan thar cu nunnak Thlarau a si. Thlarau Thianghlim cun duhdawtnak le zalennak thawn in khatter dingih lungawi in in auter ding. Kan thinlung sungah ttahnak aw thar a suakter ding, “Maw ka Pathian, Na duhnak thlun cu ziangtluk in so ka duh! Na thupekmi cu ka thinlung sungah ka ret.” (Saam 40:8). Anih in, “Maw Pathian, na duhmi tuah dingah hinah ka um,” a ti.

Curuangah Pathian in raithawinak hlun pawl cu a hnong thluh ih cuih ai ah Khrih raithawinak a ret (Heb. 10:9). Ttong dangin kan sim asile “Thihnak a thlenpitu lungpheng parih nganmi Thukham” cu a laaksuak zo (2 Korin 3:7). Curuangah dingfelnak hnattuan a dinsuak ding (c. 9) ih cumi cu Thlarau sungih nunnak a si.

Hih nunnak thar cun ziangti’n hna a ttuan ding? Cumi cun nasatak in hna a ttuansuak thei ding, “Ziangahtile Amah ih tumtahmi duh dingah le nan tuahsuak dingah Pathian cu nan sungah hna a ttuan a si” (Filipi 2:13).

Himi hi Khrih ih thu nganmi a si: “A tthami cu na duh ih a ttha lomi cu na hua” (Saam.45:7). Hih Thlarau sungih nunnak thar, hih thukam thar sungih nunnak cun a tthami, a dikmi le a thiangmi cu na duh dingih a ttha lomi le a palhmi hmuahhmuah cu na hnong ding. Jesuh in hiti’n a ti, “Hih leilung uktu pa a ra zo, ih annih in ka parah zianghman thuneihnak a nei lo” (John 14:30). Pathian ih thlarau thawn kan khah le vete’n kannih tla hih mangbangza dinhmun ah hruailuh le umter kan si ve.

Thlarau in kan khat deuhdeuh asile Satan in kan nun ah letmah pakhat hman hmun a nei thei nawn lo ding.

@ Smith Wigglesworth

(Visited 24 times, 1 visits today)

Comments

comments

Comments

%d bloggers like this: