Thufim Pawl

John Ling

‎1. Neih tamnak hi tlaksamnak bangin thil tamtak a siatsuah. (Romannian thufim)

2. Ral cun mifim ah mi a tuah, lian ding ahcun si lo. (Romannian thufim)

3. Zan khua a thim hnu cun zawhte pawl cu tlavang (leopard) ah an cang thluh. Native American thufim

4. Tampi dil awla, pek mi te lawng ah la in lungawi tum aw. Russia thufim

5. Thil ttha lo cu hrial awla, thil ttha lo khal in a lo hrial ve mai ding Gaelic thufim

6. Biakinn cu a nai zet nan, a lamzin a dai tukih feh a har, asinan dawr cu a hla zet nan fimkhur takin ka feh thotho ding. Ukranian thufim

7. Tikcu dik ah thil dik tuah ka zuam. Cui thil pawl cu fate takte tla an si mai thei, asinan cupawl cun nehnak le sunnak ih danglamnak a langter ttheu. – Kareem Abdul-Jabar

8. Minung hi an bang aw thluh asinan tthatnak le felnak lawngin mi bang lo (sinak bang aw lo) ah a tuah thei. – Voltaire

9. Einstein ih hnattuannak ih a kaihruaitu dan pathum :1) hnawmhne (minung asile miniam, mi nauta tinak) lak ihsin felnak a suak; 2) harsatnak lak ihsin lungrualnak a suak; 3) Harsatnak lakah remcannak (opportunity) a phum aw. –Albert Einstein

10. Thuruahnak ttha, ttongkam ttha, thil ttha tuah – hi pathum hi ziangtik hmanah tlan san aw hlah. – Zoroaster

11. Thil pathum hak ngaingai an um – cucu thir (steel), diamond le mah le mah thei awk thei (thei awk a har tuk tinak) ding hi an si. –Benjamin Franklin

(Visited 311 times, 1 visits today)

Comments

comments

One Comment

  1. ူLAL NEI KHUP says:

    John Ling ih ngan mi ThuFim pawl hi Aanmawi (thlathum voi khat suak)hrang ah ra la sawng leh la a theih kei maw?

    Khupte

Comments

%d bloggers like this: