Thufim Lawrkhawm

 Mifimimages

Mifim cu a tong hlan ah a tong ding mi felfai ten a ruat ta. A tong rero lai khalah a ruat, zo a bia ti a thei aw ih khawitawk hmun ah thu a rel ti khal a thei ih ziangtik can ah a sim ti khal a thei fiang.

St. Ambrose

Nu le pa karlak

Innsang nu le pa, hi thu hi thei uh; Pasalin a nu pi a thei tawkin lawmsehla a nupi khalin a pasal a thei tawkin lawm ve seh. Cule nan pahnih in tihzah aw tawn uh la nan thatnak veve vial sim rel theu uh.

Ruth S. Peals

 Pathian

Pathian in duhsak bik a nei, a dik lo ti hlah, milian le mi rethei harsa hrang khalah Pathian in mawhphurhnak a nei cuanglo pi, nang, Pathian cu a si dan vek in a dik ring ring ding.

Swami sivananda

Hmuitin

Mi tampi kan tuah tuannak ih kan beidawng theunak le kan hlawhsam theunak hi kan hlauhlak rungah, kan thluak a that lo ruangah le thiamnak kan neih mal tuk ruangah siloin, kan hmuitin mi ah kan tha kan suah lo sawn khi a rak si sawn.

Elbert Hubbard

Thatnak

Hlawhtling dingin na thinlung tibuai ter awla; na thinlung muril kha thilthei thiam ding in ong ver ver aw.

China thufim

  • · Sualsir dingah a tlai ti a um dah lo.
  • · Ti a lung lo mi le uico daite a um mi ah ralring aw.
    · Vate cu a aiin ziangvek a si ti theihthiam a theih ih, minung cu a tongkam in a si.
    · Thlacam cu zumnak ih au aw a si.
    · Thutiamnak cu leiba a si.
    · Harsatnak cu sual a si lo.
    · Na kut meisa ah ret awla milian ka si ti aw.
    · “Asilo” na ti ringring le nupi pasal na nei dahlo ding.
    · Thu dik hmuah hmuah rel theh ding a si cuang lo.
    · Tleirawl laiih nungtha duhlo cu tar hnu ah an sir aw theu.
    · Mi hmuahhmuah hruaitu a si theih lo.
    · Nangmah le nangmah rualpitha ta aw, cule midang khalin an lo rualtha ve ding.
    · Nauhak le mi aa in thudik an sim theu.
    · Duhdawtnak in zirhtirnak a tullo.
    · Duhdawtnak ih pil ngah hnu ahcun fim a theih lo.
    · Awmnat khuh le duhdawtnak thuh a thei lo.
    · Nauhak khawthim ih feh a tih bang in pacang tha khalin thih cu a tih ve.
    · Milian pawlin thla (wing) an nei.
    · Thinlung ruahnak cun tlang pawl khal a thawn ter theu.
    · Setan cu a sual ring ring.
    · Duhdawtnak sa tuk cu a dai lohli thei.
    · Midang a tuahmawhtu cu a mah le mah a tuahmawh aw tluk a si.
    · Dam phawt hi cun ruahsannak khal a um.
    · Na neih mi thil pawl kai hnget aw.
    · Pathian neih cu ziangkim neih khi a si.
    · Pathian in ram a tuah ih minung pawlin khawte kan tuah.
    · Thu malte reltu si a sual tam dah lo.
    · Hell ram ah cun fan a um lo ding.
    · Tihhruk hrang sivai a um lo.
    · Hlawhsamnak cu hlawhtlinnak ih ban pi a si.
    · Mi luarkai tuk pawl cu rei an awh thei dah lo.
(Visited 441 times, 1 visits today)

Comments

comments

Comments

%d bloggers like this: