Thufim 41 Siar Aw

 

1.Hnatuan zuamlo pawl cun an hmanrua thatlo an puhmawh theu.

2.Vate cu hla a sak mi aw in ziangvek va a si ti kan theithiam.

3.Rualpi thawi tawhawknak cu a daisal theu nan a hlan bang in duhawknak a hnget sal thei nawnlo.

4.Mitcaw pawl ih an duhbikmi cu khaw eng hmuh a si.

5.A faicia mi kut kholh sal a tul nawnlo.

6.A beuhmi dar cu a awn tha thei dahlo.

7.Mawhnak neilo sual an puh tikah mifim pawl an hnihsuak.

8.Ka cit pai ka sung ah thauthe a lut dah lo ding.

9.Mi aa cu hrinhro lawngah a nun zia a thleng theu.

10.Mi aa pawl cun ruat cuca lo in thusuhnak a phunphun an tuah.

11.Mifim pawl ih hlu zet ih an retmi lunghlu cu mi aa pawl in an hlawn.

12.Mi aa pa cun zianghman a theihfel hlan ah a ka in a rel suak zo.

13.Fialcawp ih hna tuan pawl hrangah lungawithusim a tul lo.

14.Riahsiatnak cu lungawinak ah a cang sal theu.

15.Sehal cu a tannak thang kelah vei hnih a tang dahlo.

16.Mikip va rualpi that cu rualpi neilo thawn a bang rep aw.

17.Na rualpi tha thinheng calsur cu na ralpa mithmai tha ai cun a tha sawn.

18.A thawknak a that ahcun a cement khal a tha ding.

19.Mi pakhat ih thiltha tuahmi a lak a si dahlo.

20.Uico tha cun saruh a hlawh ding.

21.Cawn zohthimtlak nun cu sermon a si.

22.Mithmai tha cu cakuat sungih duhsaknak sangbik hlanmi thawn a bang aw.

23.Hmin thatnak cu liannak le rimhmui hnakin a tha sawn lai.

24.Hmin thatnak cu khawthim lak khalah a eng.

25.Nupi tha cun pasal tha a tuahsuak.

26.Caan tha cu hna tuantupaih thla hlawh ngah bang tuk a si.

27.A tum zetmi lawng cun tidai thuk zet a tul.

28.A rilrawng zetmi pum cun hna a nei lo.

29.Rilrawng tikah thin a tawi theu.

30.Hnihsuak capoh cun mi a ralsan dahlo nan rualpi a thenter theu.

31.Thu thentu pa a mah vial thuthennak hmun ah a feh dahlo.

32.A ze zetmi tu cun a hmul pawl rit zetin a thei aw.

33.Thuphan per hmang pawl cu thu dik an rel caan khal ah an zum nawnlo.

34.Thuphan per hmangpa cun thuphan a hring ringring.

35.Thihnak in, in hngak theh. Veikhat ciar thih ding kan hmabak.

36.Nawh alh fung khat in fiangtlang a kangter theh thei.

37.Tidai for khat khalin tipithuanthum a can ter.

38.Pa tha lo a neitu pawl cu, misual ah an cang.

39.Mi aa pai zingrawl cu Siangpahrang pai mithmai sia a si.

40.Zawhte a ningzak ahcun zinghnam a zum aw.

41.Mi aa pawl tong lo te ih an um a sile mifim ti siar an si.

(Visited 475 times, 2 visits today)

Comments

comments

Tags:

3 Comments

  1. Nang thil ti hi a tha si
    ka lung a kim zet

  2. Fim nak cu kan theih hrih lo mi theih re ro ding ih kan zir mi a si.

  3. zuam nak cu kan ta si harm seh ti tong kam thawn

Comments

%d bloggers like this: