Thufim

Thufim 42

  1. Thil sual a tuahtu cu zangfah a hlawh dahlo.
  2. Misual lungruh pawl khalin sirawk caan an nei.
  3. A caan dikte ih rawl malte ei khalin mi a thau ter.
  4. Mi zokhal a upat cun thu aruat thuk vivo.
  5. Mi pakhat ih fimnak cu mi dang hrang khalah thathnemnak a um.
  6. Pangpar pakhat lawng in pangpar hmuan a tuah suak lo.
  7. Pakhat cu number a si hrihlo.
  8. Pakhat cu a maltuk, pathum le a tam tuk lala.
  9. Caan tha cun rukru ding in lamzin a sialsak.
  10. Caan tha cu vei hnih a thleng dah tuk lo.
  11. Nautatnak cun mifim pa a aa ter thei.
  12. Thutiam cu vanlam thusuak a si.
  13. Kan sualnak le kan leiba cu kan ruah hnak in a rak tam theu.
  14. Sumbuk cu zaan va pawlih lal a si.
  15. Liam cia caan kawhsal a theihlo.
  16. Thinsau pawl cu, nitin nehnak an co.
  17. Raldaih lai caan ah ral do dingin tuahawk ding.
  18. Hman thiamlo le ralring thiamlo ruangah mual kan liam.
  19. Vok pi cu a zaam thei hman ah vate  a bang dahlo ding.
  20. Midang a duhdawt tu cun a mah le mah a mang aw theu.
  21. Inn hnak ih hmun nuam khawi tawk hman ah a um lo.
  22. Mi aa innsung ih na lehpi le bazaar khal ah a lo leh pi ding.
  23. Na phun le na cinlo nak hmun ah pangpar na khiak dahlo ding.
  24. Duhdawtnak ih a umtu cu a thinlung ah zangfahnak a nei.
  25. Farahnak hi sual ruangah a si lo.
  26. Pacang tha le thinsau pawl in thil ti thei daan ding an phuang.
  27. Ni sunglawi caan na hman mi cu a zaan ah lungawithu sim aw.
  28. Faknak cu mifim a ti cak ih mi aa a sual ter sinsin.
  29. Faknak cu na dungih a ra ding mi thil a si.
  30. Thlacam cu zumnak ih au aw a si.
  31. Arti khal in keuh caan a nei ve.
  32. Caw sen in hnawi tha a nei tlangpi.
  33. Na lungawi caan ah a liamcia ih na harsatnak mang aw.
  34. Mi dang tuah mawh cu mah le mah tuahmaw a si.
  35. Pathian neih cu ziangkim neih a si.
  36. Asa tuk mi duhdawtnak cu a dai ol.
  37. Na rualpi paisa na cawih le na rualpi thawn nan then aw ding.
  38. Thuphan cu rukruk hnak in a se sawn.
  39. Zalennak hi ziangkim tuah thei nak a si lo.
  40. Mi nung ih uico a keu ahcun thuthang mak a si.
  41. Rualpi tha hnakih mi thinlung thei thiam ih damterthiam an umlo.
  42. Kum khatnak nuam, kum hnihnak ah lungawi ih a dang kum hmuah hmuah ah lungawi daan thiam a si.

(Visited 163 times, 1 visits today)

Comments

comments

Tags:

3 Comments

  1. P.J.Enga ( Tin Hre ) says:

    sl 8 nakkhi kan lai tawng khal ah a um,
    malte rel nak ah ;- pahnihkhat
    tampi/deuh rel nak ah; hnihthum,
    a ropi nasa hivek hi post thei theu ula.

  2. Leitlun mifim pawl ih tongmi le thufim dang hi siar nuam ka ti bik ih ka hlawk, thazang ka ngah.

Comments

%d bloggers like this: