Thudik Hrangih Thih Ngam

February 20

Tlawngkai Ninga

 Thudik Hrangih Thih Ngam

 Siar: Daanpeksaalnak 24:14-22

 Sal ih nan taannak Izipt ram in Bawipa nan Pathian in a lo suah kha ruat ringring uh. Curuangah si hih daan hi ka lo pek. – Daan 24:18

 Kumkhat Sung Baibal:          Puithiam 26-27          Marka 2

 Presbyterian pastor Elijah Lovejoy (1802-1837) cu mi tampi hrangah hnattuan thei dingin Pathian hnattuan ihsin a suak ih canamnak ah a ttuan. Sal pawl tlun ih thil dik lo tuahnak dodaal dingin a relcat aw. Mi burpi ih huatnak in a nunnak cu tthih hmansehla a tumtahmi a cawl cuang lo. “Remrel khawmnak kan tuah le ka ttuanmi cawl ding tinak a si. Curuangah ka tuah thei lo. Pathian cu milai hnakin ka ttih sawn. In that ding a si khalle tuah ko uh ttuan phah in ka thi ding,” tiah a ti. A ttong hnu nili ah mibur in an that ngaingai.

 Namthlak mi pawl hrangah thudik tuah ding cu Baibal in a sim. Pathian in Israel pawl hrangah thlun ding daan a tuahmi ah a fiang sinsin (Daan. 24:18-22). Moses in mi harsa pawl hrangah thinpemnak a langter (Suah. 22:22-27, 23:6-9, Puithiam. 19:9-10). Atu le tu Israel pawl kha Izipt sal an rak sidah mi a mangter saal hngai ih anmah lakih mi harsa pawl dingfel tein kilkhawi dingin a sim. Anmah khal Izipt ah mikhual an sidah vekin mikhual duhdawt ding le Pathian ih a duhdawt vekin mikhual duhdawt dingin a sim hngai.

 Pathian in a milai pawl kha thudik lo dodalnak in mi pakhat ciar ih mankhunzia nemhngetter hngai a duh.

 

Ka mit i ong aw Bawipa ka kiangmi pawl hmu dingin,

Na hmuh bang hmu thei dingin i bawm aw;

Ttuan thei dingah fimnak le cahnak i pe aw,

Mi in na duhdawtnak thukzia hmu thei dingin.

 

Thudik hrangih din cu thudik lo dodaal a si.

(Visited 24 times, 1 visits today)

Comments

comments

Comments

%d bloggers like this: