Thuanthu

August 15
Tlawngkai Nithum

Thuanthu

Bible Siar Ding: Tirhthlah 2:22-36

Maw Bawipa, Nangmah cu ka Pathian na si;
Ka lo upat dingih Na hmin ka thangthat ding.
Mangbangza thil pawl na tuah zo;
Kum reipi ihsin na tummi pawl cu fel tein na tuah ttheh a si.
Isaiah 25:1

Cabu ttha neih le siar cu ka duhtuk. Ka uar zawng cangantu pawl ih cabu ka hmuh tinte’n an nganmi ca hmuahhmuah thawzet in ka siar ttheu.

Pathian in Amai’ thuanthu cu kimcangzet in a ngan a si. Cumi huham thawn a khatmi sersiamnak thuanthu, lehrulh lomi duhdawtnak, zuarthlainak, dodalnak, raithawinak, le rualremter saalnak tivek thu pawl kimcangzet in ngankhum a si. Cumi sungah mangbangza, nunau-mipa duhdawtnak, bum-awknak, biazai, mithahnak, fimnak, nunthuanthu, khuaruahharza, mi maksak pawl ih thuanthu le raaldonak thuhla pawl tla an tel kim thluh.

Thuanthu hramthoknak lam ah duhdawtu Pathian cu zuarthlai a tong, sikhalsehla Anih cu cuih zuarthlainak cun a lauter thei ve lo. Vanlam Cangantu in a thuanthu cabu cemnaklam ah cuih harsat buainak pawl a rehternak ding thu pawl cu tikcu caan timi a hramthok hlan ihsin a rak ngan cia zo.

Seemtirnak ihsin Thuphuan Cabu tiang, Bible cu miih thinlung hiiptu Pathian le A minung pawl karlak ih pehtlaih awknak thuanthu cabu maksak a si. A ngan duhsannak thupi tamzet sungah sunglawizet thu pakhat cu cuih duhdawtnak thuanthu sungah Cangantu in nangmah le keimah tla A thuanthu sungah in telh cih ve timi hi a si.

Bible cu ziangtiklai caan khalah zuar khawngbikmi cabu a si ringring. Bible na siar tikah A Ngantu Pa ih thinlungtur ngai phah in thinlung takin ttihzahnak thawn siar aw. Cuticun ziangti’nsi a thuanthu a cemnet timi na theifiang thei ding.

Bawipa, Nangmah cu Cangantu Na si. Bible man a neihtertu, a siar tthatu, le
Na Thu theithiamtu si dingin i bawm hram aw.

Tuni ah ka nelzet lomi Bible sung thu siarin A Thuthuk theithiam dingin Thlarau Thianghlim hnenah zaangfah dil in thla ka cam ding maw?

@ Ava Pennington

(Visited 40 times, 1 visits today)

Comments

comments

Comments

%d bloggers like this: